អ្នកម៉ៅការធំជាងគេ នៃគ្រោងការណ៍វារីអគ្គសនីតម្លៃជាង ១ពាន់លានដុល្លារ នៅឡាវ ចាប់ផ្តើមរងទទួលបន្ថែម “កម្តៅ” ក្រោយមហន្តរាយបណ្តាលឲ្យមនុស្សយ៉ាងតិចបំផុត ២៨នាក់ស្លាប់ និងមនុស្សរាប់រយនាក់បាត់ខ្លួន ។
វារីអគ្គសនី Xe-Pian Xe-Namnoy ។
តាម Blomberg ភាគហ៊ុនរបស់ក្រុមហ៊ុនកូរ៉េខាងត្បូង SK Engineering & Construction ដែលជាអ្នកម៉ៅការធំ ក្នុងចំណោមអ្នកម៉ៅការសាងសង់ទំនប់វារីអគ្គិសនី Xe-Pian Xe-Namnoy នៅឡាវបានធ្លាក់ចុះដល់ទៅ ២៦% លើផ្សារភាគហ៊ុន ក្រោយហេតុការណ៍មហន្តរាយវេលាម៉ោង ២៣និង០០យប់ ថ្ងៃទី ២៣ ខែកក្កដា ។
ជាក់ស្តែងគិតត្រឹមម៉ោង 11និង 57នាទី ថ្ងៃទី ២៤ ខែកក្កដា (ម៉ោងនៅស៊េអូល) ហ៊ុនរបស់ SK Engineering & Construction បានធ្លាក់ចុះនៅសល់តែ 26.600 won (23,06 USD) ដែលជាកម្រិតធ្លាក់ចុះពុំធ្លាប់មាន គិតចាប់ពីពេលដាក់បញ្ចូលក្រុមហ៊ុនទៅក្នុងផ្សារភាគហ៊ុន មកនៅខែ សីហា ឆ្នាំ ២០១៤ ។
SK Engineering & Construction ជាមេម៉ៅការ នៃគ្រោងការណ៍ទំនប់វារីអគ្គសនី Xe-Pian Xe-Namnoy ដែលមានភាគហ៊ុន ២៦% លើសក្រុមហ៊ុនម៉ៅការបន្ទាប់ ១% គឺ Korean Western Power (25%) Laos Holding State Enterprise (25% – ឡាវ) និង Ratchaburi Electric Generating Holding PLC (ថៃ 25%) ៕ កូរ៉េ