ទីប្រឹក្សាសន្ដិសុខជាតិអាមេរិក John Bolton នៅថ្ងៃទី២៥ខែកក្កដា បានឱ្យដឹងថា ប្រធានាធិបតីDonald Trump បានផ្អាកជំនួបលើកទី២ជាមួយប្រធានាធិបតីរុស្ស៊ី Vladimir Putin។
តាមលោក Bolton ជំនួបនេះនឹងត្រូវបានរៀបចំនៅឆ្នាំ២០១៩ ក្រោយការស៊ើបអង្កេតអំពីបញ្ហាដែលរុស្ស៊ីអន្ដរាគមន៍មកក្នុងការបោះឆ្នោតរបស់អាមេរិកត្រូវបានបញ្ចប់។
ប្រធានាធិបតី Donald Trump និងប្រធានាធិបតីរុស្ស៊ី Vladimir Putin
ទីប្រឹក្សាសន្ដិសុខជាតិរូបនេះបញ្ជាក់បន្ថែមថា ប្រធានាធិបតី Donald Trump ជំនួបជាមួយប្រធានាធិបតីPutin គួរពន្យារទៅ កាន់ឆ្នាំ២០១៩ ក្រោយពេលដែលស៊ើបអង្កេតអំពីតួនាទីរបស់រុស្ស៊ីក្នុងការបោះឆ្នោតប្រធានាធិបតីអាមេរិកឆ្នាំ២០១៦ ត្រូវបានបញ្ចប់។ មុននោះវិមានក្រឹមឡាំងក៏ឱ្យដឹងថា ប្រធានាធិបតីប្រទេសទាំងពីរអាចជួបគ្នានៅកន្លែងផ្សេង ឧទាហរណ៍ដូចជាក្នុងសន្និសីទ G20 នៅArgentina នាចុងខែវិច្ឆិកាឆ្នាំ២០១៨។
កាលពីសប្ដាហ៍មុន ប្រធានាធិបតី Trump បានអញ្ជើញប្រធានាធិបតីរុស្ស៊ីមកទស្សនកិច្ចអាមេរិកនាហិមន្ដរដូវឆ្នាំ២០១៨។ ការអញ្ជើញរបស់លោកTrump ត្រូវបានសាធារណមតិក្នុងប្រទេស រួមទាំងភាគីសាធារណរដ្ឋក្នុងសភាអាមេរិករិះគន់យ៉ាងខ្លាំង។មេដឹកនាំសភានៃគណបក្សសាធារណរដ្ឋប្រកាសថា ប្រធានាធិបតី Putin នឹងពុំត្រូវបានទទួលស្វាគមន៍នៅរដ្ឋសភាអាមេរិកទេ៕
សូយន