នៅព្រឹកថ្ងៃទី២៦ ខែកក្កដានេះ អាមេរិកនិងសហគមន៍អឺរ៉ុប (EU) បានឯកភាពកាត់បន្ថយរបាំងពាណិជ្ជកម្មរវាងភាគីទាំងសងខាង។
ប្រធានាធិបតីអាមេរិកDonald Trump និងប្រធានគណៈកម្មាធិការសហគមន៍អឺរ៉ុប Jean-Claude Juncker នៅសេតវិមាន
សេចក្ដីថ្លែងការណ៍ត្រូវបានលើកឡើងក្រោយជំនួបប្រធានាធិបតីTrump និងប្រធានប្រធានគណៈកម្មាធិការ EU លោក Jean-Claude Juncker នៅសេតវិមាន។ថ្លែងក្នុងសន្នសីទសារព័ត៌មានក្រោយជំនួបប្រធានាធិបតីTrump ឱ្យដឹងថា ភាគីទាំងសងខាង បានឯកភាពគ្នាសម្រាប់«ដំណាក់កាលថ្មី»មួយក្នុងទំនាក់ទំនងទ្វេភាគីក៏ដូចជាកិច្ចសហប្រតិបត្ដិការឆ្ពោះទៅកាន់គោលដៅគ្មាន ពន្ធអាករ គ្មានរបាំងដែលពុំមែនជាពន្ធអាករនិងគ្មានការជួយគាំទ្ររបស់រដ្ឋាភិបាលនៅក្នុងវិស័យទំនិញឧស្សាកម្មមិនស្វ័យប្រវត្ដិ។
ភាគីទាំងសងខាងក៏បានឯកភាពបង្កើនកិច្ចសហប្រតិបត្ដិការគ្នាក្នុងបណ្ដាវិស័យសេវាកម្ម គីមី ឱសថ ផលិតផលសុខាភិបាលនិងសណ្ដែកសៀង។តាមនោះEU នឹងចាប់ផ្ដើមទិញសណ្ដែកសៀងពីអាមេរិក។
ទន្ទឹមនោះប្រធានាធិបតីអាមេរិកអះអាងថា ភាគីទាំងសងខាងនឹងដោះស្រាយបញ្ហាពាក់ព័ន្ធករណីពន្ធដែកថែប អាលុយមីញ៉ូម និងបណ្ដាវិធានការតបតទ្វេភាគីបច្ចុប្បន្ននេះ។
ចំណែកប្រធានគណៈកម្មាធិការ EU ឱ្យដឹងថា ក្នុងជំនួបអូសបន្លាយរយៈពេលជាង២ម៉ោងជាមួយប្រធានាធិបតីTrump ភាគីទាំងសងខាងបានកំណត់វិស័យមួយចំនួនត្រូវសហប្រតិបត្ដិការគ្នាដើម្បីឈានឆ្ពោះទៅរកការលុបចោលពន្ធអាករចំពោះ ទំនិញឧស្សាហកម្ម។
ភាគីទាំងសងខាងក៏ឯកភាពគ្នាពង្រឹងកិច្ចសហការក្នុងវិស័យថាមពល។ EUនឹងនាំចូលបន្ថែមឧស្ម័នដុតរាវពីអាមេរិក ហើយភាគីទាំងពីរឯកភាពចរចាគ្នាអំពីបណ្ដាស្ដង់ដារ។
នៅថ្ងៃដដែលនេះភ្លាមៗនោះអាល្លឺម៉ង់បានសម្ដែងការស្វាគមន៍«ជំហានលោតផ្លោះថ្មី»ក្នុងកិច្ចចរចាពាណិជ្ជកម្មរវាងអាមេរិកនិងEU ៕
សូយន