ក្រុមអ្នកប្រមាញ់រុករកមាសនៅអង់គ្លេសបានរកឃើញដុំមាសធម្មជាតិក្នុងអំឡុង៥សតវត្សនកន្លងមកនេះ។
ដុំមាសធម្មជាតិត្រូវបានរកឃើញនៅទន្លេមួយនៅScotland
តាមExpress ដុំមាសដែលគេរកឃើញនេះមានទម្ងន់ប្រមាណ៨៥,៧ក្រាម និងមានតម្លៃប្រមាណ៥០០០០ផោន ។អ្នកប្រមាញ់រុករកមាសរុបនេះបានប្រទះឃើញវាពេលគាត់មុជចុះបាតទន្លេមួយនៅScotland។
នេះត្រូវបានចាត់ទុកជាដុំមាសធម្មជាតិធំបំផុតត្រូវបានរកឃើញនៅចក្រភពអង់គ្លេសក្នុងអំឡុង៥០០ឆ្នាំកន្លងមក។អ្នកជំនាញការអំពីមាស Leon Kirk និយាយថា៖ នេះគឺជារបកគំហើញមួយកម្រជួប។ ពិតជាពិបាកដើម្បីសន្និដ្ឋានតម្លៃនៃដុំមាសនេះ។ខ្ញុំឱ្យតម្លៃវាប្រមាណ៥០០០០ផោន។ប៉ុន្ដែដោយសារវាកម្រនិងធម្មជាតិសុទ្ធ ពួកមហាសេដ្ឋីអាចឱ្យតម្លៃខ្ពស់ជាងនេះ។តាមអ្នកប្រមាញ់រកមាសវ័យ៤០ឆ្នាំរូបនេះគ្រាន់តែប្រាប់ថា គាត់បានរកឃើញវានៅទន្លេមួយ ដោយគាត់មុជទឹកទៅបាតទន្លេនោះរួចពិនិត្យសង្កេតមើល។តាមបទពិសោធន៍ដែលធ្លាប់រុករកមាសកន្លងមក ដំបូងឡើយខ្ញុំបានឃើញស្នាមប្រេះមួយនៅលើផ្ទាំងថ្ម ហើយក៏រកឃើញ…ដំបូងឡើយខ្ញុំស្មានមានទម្ងន់តែប៉ុន្មានក្រាមទេមិននឹកស្មានថាវាធំដូច្នេះសោះ។
ដុំមាសទម្ងន់៨៥,៧១ក្រាមប៉ាន់ស្មានមានតម្លៃ៥០០០០ផោន
ខ្ញុំបានរកឃើញវាតាំងពី២ឆ្នាំមុនម្ល៉េះ ហើយរក្សាទុកវានៅប្រអប់សុវត្ថិភាពនៅធនាគរ ពុំទាន់មានបំណងនឹងលក់ឡើយ ។
តាមអ្នកជំនាញការមាសខាងលើនិយាយថា វាអាចនៅមានដុំមាសរប៉ាត់រប៉ាយច្រើនទៀតក្នុងតំបន់ដែលគេរកឃើញ គឺអាចថាជាផ្នែកមួយនៃដុំមាសដែលធំជាង៕
សូយន
