តើអ្នកធ្លាប់មានអារម្មណ៍ទេថា មាននរណាម្នាក់កំពុងតែមើលអ្នក នៅពេលអ្នកកំពុងអង្គុយនៅក្នុងផ្ទះម្នាក់ឯង ឬក៏មានអារម្មណ៍ថា អាកាសធាតុនៅក្នុងផ្ទះអ្នក ប្រែទៅជាត្រជាក់មួយភ្លែត?
បើសិនជាអ្នកជារឿយៗ ធ្លាប់មានអារម្មណ៍បែនោះ ផ្ទះរបស់អ្នកប្រហែលជាកំពុងត្រូវមានខ្មោចលងហើយ។ នេះមិនមែនជាការបំភ័យទេ តែវាជាការបញ្ជាក់របស់អ្នកប្រមាញ់ខ្មោច។
បើតាមការសិក្សាបានឲ្យដឹងថា ក្នុងចំនោមមនុស្ស ១០នាក់ មាន ៦នាក់ជឿលើរឿងខ្មោច និង ២៣ភាគរយ ជឿជាក់ថា មានវិញ្ញាណនៅជុំវិញផ្ទះរបស់ពួកយើង។
បើតាមអ្នកជំនាញរបស់កម្មវិធីទូរទស្សន៍ Help! My House is Huanted (ជួយផង! ផ្ទះខ្ញុំមានខ្មោចលង) បានបញ្ជាក់ថា ផ្ទះរបស់អ្នកប្រហែលកំពុងត្រូវខ្មោចលងហើយ បើសិនមានចំណុចដូចខាងក្រោមនេះ៖
១. អ្នកមានអារម្មណ៍ថា មាននរណាកំពុងមើលមកអ្នកគ្រប់ពេល នៅពេលអ្នកនៅម្នាក់ឯងក្នុងផ្ទះ ។
២. មានអារម្មណ៍ថា អាកាសធាតុក្នុងផ្ទះប្រែប្រួលទៅជាត្រជាក់ ខុសប្លែកធម្មតា ។
៣. របស់របរក្នុងផ្ទះ បាត់ដោយអាថ៌កំបាំង ហើយបែរជាឃើញវិញ នៅកន្លែងផ្សេង ។
៤. លឺសូរសម្លេងខ្សឹបដាក់ត្រចៀក សម្រឹបជើង ឬមាននរណាម្នាក់ហៅឈ្មោះរបស់អ្នកខ្សាវៗ ។
៥. ចេះតែឃើញស្រមោលចម្លែក ពេលងាកមើលម្តងៗ ។
៦. មានបញ្ហាអគ្គិសនី ដូចជាដាច់ និងភ្លឺវិញញឹកញាប់ ។
៧. មានអារម្មណ៍ថា ដូចកំពុងត្រូវគេស្ទាប
៨. មានក្លិនចម្លែក ដូចជាក្លិនក្រអូប ក្លិនផ្សែង ក្លិនចំណីអាហារ ឬក្លិនបារីជាដើម
៩. ពេលងើបឡើងពាក់កណ្តាលយប់ម្តងៗ មានអារម្មណ៍ភ័យ ស្រៀវខ្លួន
១០. មានអារម្មណ៍ពិបាកចិត្ត ពេលចូលក្នុងបន្ទប់ ឬកន្លែងណាមួយក្នុងផ្ទះ៕ សុភ័ក្ត្រ
ប្រភព៖ mirror.co.uk