ពួកអ្នកភូមិបាននាំគ្នាចេញទៅនេសាទនៅឆ្នេរសមុទ្រ Naiyan នៃកោះ Phuket នៅល្ងាចថ្ងៃទី១៨ កក្កដា ប៉ុន្តែ ផែនការរបស់ពួកគេត្រូវបានរារាំង ដោយសារតែរលកបោកបក់ខ្លាំង ។ ហើយខណៈពេលពួកគេបើកទូកចូលច្រាំងវិញ ក៏បានប្រទះឃើញសត្វក្រពើ១ក្បាលកំពុងហែលក្នុងទឹកសមុទ្រ ។
ពួកគេក៏បានរាយការណ៍ហេតុការណ៍នេះ ទៅមន្ត្រីប៉ូលីសដែលបានសហការជាមួយភ្ញាក់ងារពាក់ព័ន្ធ ដើម្បីមកត្រួតពិនិត្យ ។
ថ្ងៃទី១៩ កក្កដា លោក Nopparat Noontong អភិបាលខេត្ត Phuket រួមនឹងមន្ត្រីពាក់ព័ន្ធជាច្រើននាក់ ចុះមកកាន់ឆ្នេរសមុទ្រនេះ ដើម្បីស្វែងរកសត្វក្រពើនេះ ។ បន្ទាប់ពីប្រតិបត្តិការរុករកពេញមួយយប់ ពួកគេបានរកឃើញសត្វក្រពើនោះកំពុងហែលទៅកាន់ឆ្នេរយ៉ាងលឿន ។
ចាប់តាំងពីសត្វក្រពើដែលមានប្រវែងប្រហែល ២ទៅ៣ម៉ែត្រនេះ ត្រូវបានរកឃើញ មន្ត្រីក៏បានដាក់ស្លាកសញ្ញាប្រកាសដល់មនុស្ស ជាពិសេសភ្ញៀវទេសចរ ឈប់ចុះលេងទឹកទៀត ដើម្បីចៀសផុតពីគ្រោះថ្នាក់ ៕ ឧត្តម (ប្រភព៖ siangtai)
