ពិតជារឿងមួយស្តាប់ទៅពិបាកនឹងជឿ ប៉ុន្តែវាបានកើតឡើងគ្រាដែលការិយាល័យតាមដានឃ្លាំមើលរដ្ឋកាលីហ្វ័រនីញ៉ា អាមេរិក បានលើកឡើងថា ពីឆ្នាំ ២០១៤ មកទល់ពេលនេះ បុគ្គលិកម្នាក់របស់ក្រសួងគមនាគមន៍ ដឹកជញ្ជូនរដ្ឋនេះ បានកេងម៉ោងធ្វើការ ដើម្បីដេករាប់ពាន់ម៉ោង ។
របាយការណ៍ចុះថ្ងៃទី ២៥ ខែកក្កដា របស់ស្ថាប័ននេះ បានប៉ាន់ស្មានថា បុគ្គលិកនារីរូបនេះបានដេកយ៉ាងតិច ៣ម៉ោងក្នុង១ថ្ងៃៗ នៅនឹងតុធ្វើការ គិតចាប់ពីខែ កុម្ភៈ ឆ្នាំ ២០១៤មក ។
ដូច្នេះចំពោះពេលវេលាដែលនាងបាន “កេងបន្លំ” ដើម្បីដេក គឺជា ២.២០០ម៉ោង បង្កការខាតបង់ ៤០.០០០ USD ។ អ្នកគ្រប់គ្រងនាងតែដាស់នាងពី ៣-៤ដង ក្នុង១ថ្ងៃៗ ។
ការងាររបស់នាងគឺប្រមូលទិន្នន័យពីការផ្លាស់ប្តូរអាសយដ្ឋាន និងម្ចាស់កម្មសិទ្ធិយានយន្ត ។ ១ថ្ងៃៗនាងធ្វើបានឯកសារតែ ២០០ប៉ុណ្ណោះ ដែលការកំណត់ នាងត្រូវធ្វើឲ្យបាន ៥៥០ឯកសារ ហើយឯកសារដែលបានធ្វើទៀតសោត ក៏នៅមានកំហុស ។
ករណីនារីខាងលើជារឿងមួយក្នុងចំណោមរឿងដល់បុគ្គលិករដ្ឋការ 1.481នាក់ ហើយត្រូវបានចោទប្រកាន់ពីបទមានទង្វើពុំត្រឹមត្រូវចំពោះការងារ នៃស្ថាប័នរដ្ឋការ ៕ លីសា