អតីតាតារាចម្រៀងប៉ុបថៃម្នាក់ បានកំពុងរៀបចំរឿងក្តីក្តាំងប្រឆាំងនឹងមន្ទីរពេទ្យមួយ ស្ថិតនៅក្នុងប្រទេសកូរ៉េខាងត្បូង ចំពោះការវះកាត់កែសុដន់របស់នាងខុស ។
យោងតាម Jeeranan “May” Kitprasarn នោះការងារកែកុនដើមទ្រូងនេះ ដែលបានអនុវត្តលើនាង នៅមន្ទីរពេទ្យវះកាត់សម្ផស្សធំមួយក្នុងទីក្រុងសេអ៊ួល កាលពីខែធ្នូ ស្ទើរឆក់យកជីវិតរបស់នាងតែម្តង ។
ដំណើរការវះកាត់នេះ ត្រូវបានចោទប្រកាន់ថា បានបណ្តាលឲ្យមានការឆ្លងមេរោគចូលឈាម ដែលត្រូវបញ្ជូនទៅសង្គ្រោះបន្ទាន់ និងធ្វើឲ្យនាងមានឱកាសនៅមានជីវិតត្រឹមតែ ១០% ប៉ុណ្ណោះ ។ នេះបើតាមសារព័ត៌មាន Coconuts រាយការណ៍ ។
នៅពេលតារាល្បី១ដួងនេះ កំពុងសះស្បើយពីរបួសរបស់នាងៗ ក៏បានរៀបចំពាក្យបណ្តឹងប្រឆាំងនឹងមន្ទីរពេទ្យកូរ៉េខាងត្បូងនេះ និងភាគីដទៃទៀត ដែលបានពាក់ព័ន្ធ ខណៈនាងទាមទារសំណងចំនួន ២០ លានបាត (៦សែនដុល្លារ) សម្រាប់ការដាក់ជីវិតរបស់នាងក្នុងគ្រោះថ្នាក់បែបនេះ ។
វេជ្ជបណ្ឌិតរបស់នាង ក៏ពុំធានាថារបួសរបស់នាងនឹងសះស្បើយវិញបានទាំងស្រុងទេ ដោយកត់សម្គាល់ថា នាងក៏មិនអាចបំបៅកូនបានទៀតដែរ ៕ ចន្ទី (nextshark)