ខេត្តស្វាយរៀង៖ ក្មេងប្រុស២នាក់បានលង់ទឹកប្រឡាយស្លាប់ ខណៈដែលឆ្លងប្រឡាយទឹកទៅដេញគោដែលកំពុងស៊ីស្រូវគេនៅត្រើយម្ខាង។
ដែលករណីនេះបានបង្កអោយមានការភ្ញាក់ផ្អើលដល់ពលរដ្ឋក្នុងភូមិនិងរាយការណ៍មកសមត្ថកិច្ចកាលពីវេលាម៉ោង៨និង៣០ នាទីព្រឹកថ្ងៃទី២៦ខែ កក្កដា ឆ្នាំ២០១៨នេះនៅចំណុចប្រឡាយទឹកមួយស្ថិតក្នុងភូមិ ប្រាសាទ ឃុំ ពោធិរាជ ស្រុក ស្វាយជ្រំ ខេត្តស្វាយរៀង។
បើយោងតាមសមត្ថកិច្ចបានឲ្យដឹងថា៖នៅព្រឹកថ្ងៃកើតហេតុនោះក្មេងប្រុសទាំង២នាក់បាននាំគ្នាទៅមើលគោនៅស្រែហើយគោទាំងនោះបានចុះទឹកឆ្លងប្រឡាយដើរសុីស្រូវគេក្មេងប្រុសទាំង២នាក់ក៏នាំគ្នាចុះហែលទឹកដើម្បីទៅដេញគោកុំឲ្យស៊ីស្រូវគេ។
ប្រភពដដែលបានបន្តទៀតថា៖ខណះដែលក្មេងទាំងពីរនាក់បាននាំគ្នាចុះប្រឡាយទឹកហែលឆ្លងដើម្បីទៅដេញគោនោះបណ្តាលឲ្យលង់ទឹកទាំង២នាក់តែម្តងទៅ។ជនរងគ្រោះទាំង២នាក់មានឈ្មោះដូចខាងក្រោម៖
ទី1.មានឈ្មោះ ឆោម វីរៈ ភេទប្រុស អាយុ22ឆ្នាំ នៅភូមិព្រៃខ្លា ឃុំពោធិរាជ ស្រុកស្វាយជ្រំ ខេត្តស្វាយរៀង។
ទី2.ឈ្មោះ ផុន ស៊ីណាល់ ភេទប្រុស អាយុ 12ឆ្នាំ នៅភូមិ ឃុំជាមួួយគ្នា។មូលហេតុទៅមើលគោ ពេលនោះគោឆ្លងទៅស៊ីស្រូវនៅត្រើយម្ខាង ក៏នាំគ្នាឆ្លងទឹកប្រឡាយទៅដេញគោហើយក៏បានលង់ទឹកស្លាប់តែម្ដង។បចប្ចុប្បន្នសាកសពក្មេងទាំងពីរនាក់ត្រូវបានសមត្ថកិច្ចប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី៕ វ៉ៃកូ