ទស្សនិកជនដែលនិយាយតាមដានទស្សនា MV នៅក្នុងផលិតកម្មផលិតកម្មរស្មីងហង្សមាសចាស់ៗ ច្បាស់ជាបានឃើញឈ្មោះ លោក ណុប សម្បត្តិ ដែលជាអ្នកដឹកនាំសម្ដែងចាស់វស្សាដ៏ឆ្នើមមួយរូប ហើយក្រៅពីដឹកនាំសម្ដែងថត MV លោកក៏ជាអ្នកដឹកនាំរឿងផងដែរ ដូចជារឿង «អណ្ដូងអាថ៌កំបាំង» ជាដើម ដែលល្អមើលមិនចាញ់រឿងបរទេសប៉ុន្មានឡើយ តែយ៉ាងណាមិញចំពោះរូបរាង និងមុខរបស់លោក ណុប សម្បិត្តិ ផ្ទាល់ច្បាស់ណាស់ថា ពុំសូវមានអ្នកណាស្គាល់ឡើយ ។
ជាមួយគ្នានេះ លោក ណុប សម្បត្តិ ក៏ត្រូវបានទស្សនិកជនស្គាល់ច្បាស់ថា ជាឪពុកបង្កើតរបស់តារាចម្រៀង ណុប បាយ៉ារិទ្ធ និង នីកូ ផងដែរ ដែលទាំងពីរនាក់បងប្អូននេះ គឺមានរូបសម្រស់ស្រសង្ហាខ្លាំង ប៉ុន្តែបើក្រឡេកលោក ណុប សម្បត្តិ កាលពីក្មេងវិញ ក៏សង្ហាមិនចាញ់កូនៗប៉ុន្មានដែរ ។
ទន្ទឹមគ្នានេះ ក៏មានទស្សនិកជនជាច្រើននាក់ ចង់ឃើញ និងចង់ស្គាល់រូបរាងពិតរបស់ ឪពុកម្ដាយ តារាចម្រៀង ណុប បាយ៉ារិទ្ធ និង នីកូ តើស្អាត និងស្រស់សង្ហាប៉ុណ្ណា ទើបបានជាកូនៗសង្ហាយ៉ាងនេះ ហើយខាងក្រោមនេះ គឺជាមុខមាត់របស់ពួកគាត់ កាលក្នុងកំលុងពេលរៀបការហើយថ្មីថ្មោង ៕ សាវុធ
