រុស្ស៊ីលើកឡើងថា ប្រសិនបើមន្ទីរបញ្ចកោណមិនសហប្រតិបត្ដិការជាមួយមូស្គូតាមសំណូមពររបស់លោក Donald Trumpទេ នោះវត្តមានកងទ័ពអាមេរិកនៅស៊ីរីគឺមិនស្របច្បាប់។
ឧត្ដមសេនីយ៍ Igor Konashenkov អ្នកនាំពាក្យក្រសួងការពារជាតិរុស្ស៊ី
ឧត្ដមសេនីយ៍ អ្នកនាំពាក្យក្រសួងការពារជាតិរុស្ស៊ី បានប្រកាសនៅថ្ងៃទី២៤ខែកក្កដា អំពីការលើកឡើងរបស់ឧត្ដមសេនីយ៍ Votel ដែលប្រកាសថា មន្ទីរបញ្ចកោនបានត្រៀមអនុវតុ្ដន៍តាមសំណូមររបស់ប្រធានាធិបតីអាមេរិក Donald Trum ចំពោះកិច្ចសហប្រតិបត្ដិការជាមួយកងទ័ពរុស្ស៊ីនៅស៊ីរីដើម្បីដោះស្រាយបញ្ហាបញ្ជូនជនភៀសខ្លួនធ្វើមាតុភូមិនិវត្ដន៍ ដោយចោទប្រកាន់ថា ក្រុងមូស្គូនៅតែ«បន្ដធ្វើជាខ្នងបង្អែកឱ្យប្រធានាធិបតីស៊ីរី Bashar al-Assad» ។
គួររម្លឹកថា សំណូមពរអំពីកិច្ចសហប្រតិបត្ដិការចំពោះបញ្ហាមនុស្សធម៌នេះត្រូវបានលោកTrum និងប្រធានាធិបតីរុស្ស៊ី Vladimir Putin ឯកភាពគ្នាក្នុងជំនួបកំពូលកាលពីថ្ងៃទី១៦ ខែកក្កដា នៅHelsinki ប្រទេសហ្វាំងឡង់។
រុស្ស៊ីចាត់ទុកថា កងទ័ពអាមេរិកចាំបាច់ត្រូវគោរពសំណូមពររបស់ប្រធានាធិបតីអាមេរិក Donald Trum ពុំនោះសោតកងកម្លាំងយោធាអាមេរិកនឹងពុំមាន«មូលដ្ឋានច្បាប់»សម្រាប់ធ្វើសហប្រតិបត្ដិការនៅស៊ីរីឡើយ៕
សូយន
