ថ្មីៗនេះ អាជ្ញាធរបានរកឃើញក្មេងប្រុសអាយុ ៧ ឆ្នាំម្នាក់ និងម្តាយរបស់គេអាយុ ៣៣ ឆ្នាំ ដែលកំពុងដេកនៅក្នុងឃ្លុបតូបលក់ដូរដ៏តូចមួយដែលត្រូវគេបោះបង់ចោល ជារៀងរាល់យប់ ។
ពួកគេបានរស់នៅតាមរបៀបនេះអស់រយៈពេល២ខែមកហើយ ដោយតូបលក់ដូរតូចនោះហ្គ័រស្ថិតនៅ Balai Panjang, Melaka (ម៉ាឡេស៊ី) ដែលជាទីជំរកតែមួយគត់របស់ពួកគេ ។ ម្តាយ និងកូនប្រុស បានកំពុងរស់នៅដ៏កំសត់បែបនេះ បន្ទាប់ពីប្តីរបស់នាងត្រូវជាប់ពន្ធនាគារពីបទលួចអស់រយៈពេល ៣ ឆ្នាំ មកហើយ ។
ម្តាយរបស់ក្មេងប្រុសនេះ ដែលបានកំពុងមានផ្ទៃពោះ ៧ ខែ ហើយ ត្រូវបានធ្វើតេស្តរកឃើញប្រើប្រាស់ថ្នាំញៀន ដោយភ្ញាក់ងារប្រឆាំងគ្រឿងញៀន Melaka និងក្រោយមក ត្រូវបាននាំទៅមណ្ឌលស្តារនីតិសម្បទា ។
ក្មេងប្រុសនេះ និងម្តាយរបស់គេ ត្រូវបានរកឃើញដោយនិស្សិតមួយក្រុម ដែលកំពុងចុះធ្វើកិច្ចការសាលានៅជុំវិញតំបន់នោះ ។ ពួកគេភ្លាមៗនោះ ក៏បានជូនដំណឹងដល់សមាជិកសភា Kesidang លោក Allex Seah អំពីស្ថានភាពនេះ ។
ក្មេងប្រុសនោះដែលពុំទាន់ចូលសាលានៅឡើយ ក្រោយមកត្រូវបាននាំយកដោយក្រុមមន្ត្រីសុខាភិបាល ដោយឲ្យរស់នៅក្នុងផ្ទះមួយ ។
គេក្រោយមក ក៏បានរកឃើញថា ក្មេងប្រុសនេះមានបងប្អូនបង្កើត ៤ នាក់ ដែលបច្ចុប្បន្ន រស់នៅក្នុងមន្ទីរសុខុមាលភាព ។ គេក៏សង្ឃឹមថា ក្មេងប្រុសនេះ និងម្តាយរបស់គេ នឹងធ្វើជាមនុស្សល្អ ហើយគេក៏នឹងស្វែងរកទីកន្លែងរស់នៅសមរម្យមួយដល់ពួកគេផងដែរ ៕ ចន្ទី (worldofbuzz)