ស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន ប្រធានក្រុមការងារ ចុះជួយខេត្តស្វាយរៀង និងជាអ្នកតំណាងរាស្ត្រ មណ្ឌលស្វាយរៀង នៅព្រឹកថ្ងៃទី២៧ ខែកក្កដា ឆ្នាំ២០១៨ បានដឹកនាំសមាជិក សមាជិការ គណបក្សប្រជាជនកម្ពុជា ប្រមាណជិត១ម៉ឺននាក់ ដើម្បីជួបជុំគ្នាស្តាប់ប្រសាសន៍ របស់សម្តេចតេជោ ហ៊ុន សែន ប្រធានគណបក្សប្រជាជន នៅក្នុងបរិវេណស្នាក់ការ គណបក្សប្រជាជនកម្ពុជា ខេត្តស្វាយរៀង និងចេញដង្ហែក្បួនឃោសនាតាមដងផ្លូវនានា នៅខេត្តស្វាយរៀងផងដែរ ។
សូមបញ្ជាក់ថា បើតាមមន្ត្រីប្រចាំការនៅស្នាក់ការគណបក្សប្រជាជនកម្ពុជាខេត្តស្វាយរៀង បានអោយដឹងថា គណបក្សប្រជាជនកម្ពុជា មានការជួបជុំស្តាប់ប្រសាសន៍ សម្តេចតេជោ ហ៊ុន សែន និងដង្ហែរក្បួនតាមផ្លូវ ចំនួនជិត១ម៉ឺននាក់ មធ្យោបាយរថយន្ត៣៥០គ្រឿង ម៉ូតូ១ពាន់គ្រឿង មេក្រូ២៥គ្រឿង ហើយក្នុងនោះ ស្រុកស្វាយជ្រំ ដឹកនាំដោយលោក ចៅ ភិរុណ និងស្រុកចន្ទ្រា .ក្រុងបាវិត ដឹកនាំលោកម៉ឹង សំផន. ស្រុករំដួលដឹកនាំដង្ហែរដោយលោក សៅ សុវណ្ណី ក៏មានការដង្ហែក្បួន និងជួបជុំគ្នាសំរាប់ស្រុកផ្សេងៗទៀតក៏ដង្ហែក្បួនរកសម្លេងឆ្នោតដឹកនាំដោយប្រធានក្រុមការងារចុះជួយស្រុកនិមួយៗផងដែរ។
ចំពោះគណបក្សផ្សេងទៀត បានដង្ហែក្បួនជាទ្រុងទ្រាយធំដុំនោះទេ ដោយបានចាក់ម៉េក្រូ ឃោសនា នៅទីស្នាក់ការគណបក្សរបស់ខ្លួននិងតាមដងផ្លូវមួយចំនួនប៉ុណ្ណោះ ។
បើតាមការឲ្យដឹង ពីគ.ជ.ប ខេត្តស្វាយរៀង បានឲ្យដឹងថា នៅខេត្តស្វាយរៀង មាន៨០ ឃុំ សង្កាត់ មាន៩២៦ការិយាល័យ សម្រាប់បំរើការបោះឆ្នោត និងមានប្រជាពលរដ្ឋដែលមានឈ្មោះក្នុងបញ្ជីបោះឆ្នោត៣៥២០៦១នាក់ មាន៥អាសនៈ និងមានគណបក្សនយោបាយ ចំនួន១៤ រួមមាន គណបក្សប្រជាជនកម្ពុជា គណបក្សយុវជនកម្ពុជា គណបក្សហ្វ៊ុនស៊ិនប៉ិច គណបក្សខ្មែររួបរួមជាតិ គណបក្សសញាតិកម្ពុជា គណបក្សប្រជាធិបតេយ្យមូលដ្ឋាន គណបក្សសំបុកឃ្មុំប្រជាធិបតេយ្យ គណបក្សខ្មែរឈប់ក្រ គណបក្សខ្មែរតែមួយ គណបក្សសម្ព័ន្ធដើម្បីប្រជាធិបតេយ្យ គណបក្សមាតុភូមិយើង គណបក្សខ្មែរអភិវឌ្ឍន៍សេដ្ឋកិច្ច គណបក្សឆន្ទះខ្មែរ និងគណបក្សជនជាតិដើមប្រជាធិបតេតយ្យ ដែលបានដាក់ពាក្យ ឈរឈ្មោះបោះឆ្នោត ជ្រើសតាំងតំណាងរាស្ត្រ អាណត្តិទី៦ ដែលនឹងប្រារព្ធធ្វើទ្បើង នៅថ្ងៃទី២៩ ខែកក្កដា ឆ្នាំ២០១៨ ខាងមុខនេះ ៕ វ៉ៃកូ