អតីតមេភូមិម្នាក់ត្រូវបានចាប់ខ្លួនហើយនៅព្រឹកថ្ងៃសុក្រនេះ ពីបទរំលោភនារីជនជាតិ Hmong ដ៏ស្រស់ស្អាតអាយុ ២២ ឆ្នាំ និងបន្ទាប់មក បានបង្ហោះរូបថតដ៏អាម៉ាស់មួយនៃហេតុការណ៍នេះ នៅលើហ្វេសប៊ុកទៀត ដែលធ្វើឲ្យនាងតូចចិត្តឈានដល់ការធ្វើអត្តឃាតខ្លួនឯងតែម្តង ។
ជនរូបនេះដែលមានឈ្មោះថា Noppadol Nawa-ariya បានបដិសេធនៅចំពោះមុខសមត្ថកិច្ចថា ខ្លួនពុំបានចាប់រំលោភនារីរងគ្រោះទេ ។ ទោះយ៉ាងណា Atchariya Ruangratanapong មេធាវីរបស់គ្រួសារនារីរងគ្រោះ ជួយជនរងគ្រោះក្នុងអំពើរំលោភនេះ ដោយបានផ្សាយពីការចាប់ខ្លួនរបស់ Noppadol តាមរយៈការ Live វីដេអូលើគ្រុបហ្វេសប៊ុក ។
ការរំលោភសេពសន្ថវៈនេះ បានកើតឡើងកាលពីថ្ងៃទី១៤ កក្កដា ប៉ុន្តែ ក្រោយមក នារីរងគ្រោះបានធ្លាក់ទឹកចិត្តយ៉ាងខ្លាំង ទោះបីនាងពុំបាននិយាយអ្វីដែលបានកើតឡើង ។ ហើយរឿងនេះបានកើតឡើង គឺនៅពេលដែលជនចាប់រំលោភនេះ បានបង្ហោះរូបថត១សន្លឹកបង្ហាញខ្លួនឯងគាត់ ដេកនៅជាប់នាង ខណៈនាងសន្លប់នៅក្នុងបន្ទប់សណ្ឋាគារដែលនាងបានប្រាប់ឪពុកម្តាយរបស់នាងអំពីរឿងនេះ ។ នាងបាននិយាយថា អតីមេភូមិនេះបានល្បួងនាងទៅកាន់សណ្ឋាគារ ហើយនាងពិតជាមានការសោកស្តាយយ៉ាងខ្លាំង សម្រាប់ការធ្វើគ្រួសាររងភាពអាម៉ាស់ ។ នៅយប់ថ្ងៃអាទិត្យ នាងបានថ្នាំកណ្តុរ ហើយនាងត្រូវបានក្រុមគ្រួសារនាំយកទៅសង្គ្រោះនៅមន្ទីរពេទ្យ ប៉ុន្តែ គួរឲ្យសោកស្តាយ នាងបានស្លាប់នៅថ្ងៃពុធ ។
Atchariya ដែលត្រូវបានអមដំណើរជាមួយបងស្រីភ្លោះរបស់នាង បានកាន់ប៉ុស្តិ៍ប៉ូលីសដើម្បីផ្តល់ភស្តុតាងនេះ ។ ទីបំផុត ដីការចាប់ខ្លួនរបស់ Noppadol ត្រូវបានធ្វើឡើង និងឈានទៅចាប់ខ្លួនគាត់នៅព្រឹកនេះផងដែរ ៕ ឧត្តម (The Nation, khaosod)