តាមក្រសួងការបរទេសកូរ៉េខាងត្បូងឱ្យដឹងថា នៅថ្ងៃទី២៧ ខែកក្កដា ប្រទេសនេះបានសម្រេចចាត់ក្រុមសង្គ្រោះមួយទៅកាន់ឡាវនាចុងសប្ដាហ៍នេះ ហើយបានផ្ដល់ប្រាក់១លានដុល្លារជាជំនួយបន្ទាន់ក្រោយការបាក់ទំនប់វារីអគ្គិសនីធំមួយស្ថាបនាឡើងដោយសម្ព័ន្ធក្រុមហ៊ុនកូរ៉េខាងត្បូង ថៃនិងឡាវ ដែលត្រៀមសាងសង់រួច។
ទិដ្ឋភាពជន់លិចក្រោយពេលទំនប់វារីអគ្គិសនីនៅឡាវ បានបាក់កាលពីថ្មី២៤ ខែកក្កដា
ក្រុមសង្គ្រោះរបស់កូរ៉េខាងត្បូង រួមមានវេជ្ជបណ្ឌិត១៥នាក់និងជំនួយការ៥នាក់ នឹងទៅដល់ប្រទេសឡាវនៅថ្ងៃទី២៩កក្ដដាខាងមុខ។
ក្រៅពីនោះរដ្ឋាភិបាលកូរ៉េខាងត្បូងនូវផ្ដល់ទឹកប្រាក់ 500.000 USD ព្រមទាំងសម្ភារៈមានតម្លៃ500.000 USDដែរ ដើម្បីជួយឡាវ ក្នុងមហន្ដរាយនេះ។
គួររម្លឹកថា ក្រុមហ៊ុនសំណង់និងបច្ចេកទេស SK គឺជាដៃគូក្នុងគម្រោងសាងសង់ទំនប់វារីអគ្គិសនីនេះ៕
សូយន