សាធារណមតិឥណ្ឌាមានការតក់ស្លុតយ៉ាងខ្លាំង គ្រាដែលសមត្ថកិច្ចនៅថ្ងៃទី២៦ ខែកក្កដា បានបញ្ជាក់ថា ក្មេង៣នាក់គឺ Mansi, 8 ឆ្នាំ, Shikha, 4 ឆ្នាំ និងParul, 2 ឆ្នាំ បានស្លាប់ក្នុងមន្ទីរពេទ្យនៅថ្ងៃទី២៤ខែកក្កដា ព្រោះត្រូវបង្អត់អាហារច្រើនថ្ងៃពេក។
ក្មេងនៅឥណ្ឌាតម្រៀបជួររង់ចាំគេបែងចែកអាហារ
វេជ្ជបណ្ឌិតAmita Saxena ដែលជាអ្នកទទួលខុសត្រូវនៅមន្ទីរពេទ្យ Lal Bahadur Shastri, New Delhi និយាយថា ការធ្វើតេស្ដិ៍នៅមន្ទីរពេទ្យបានបង្ហាញថាក្មេងទាំងនេះមានការបាក់កម្លាំងយ៉ាងខ្លាំង រូបភាពទាំងឡាយបញ្ជាក់ថាពួកវាទ្រុឌទ្រោមលើគ្រប់ផ្នែក ហើយគ្មានសញ្ញានៅសល់ខ្លាញ់បន្ដិចនៅក្នុងរាងកាយ។ក្រពះនិងពោះវៀនពួកវាទទេស្អាត ដែលជាសញ្ញាពួកវាពុំបានបរិភោគអ្វីក្នុងអំឡុងពេលពី៨ទៅ៩ថ្ងៃ។
តាមការស្រាវជ្រាវរបស់ប៉ូលិសឱ្យដឹងថា ពួកក្មេងទាំងនេះត្រូវដោះស្រាយរកអាហារដោយខ្លួនឯង ព្រោះឳពុករបស់ពួកវាបាន ចាកចេញទៅបាត់ ខណៈពេលម្ដាយ Beena របស់ពួកវាអាយុ២៩ឆ្នាំ មានបញ្ហាសុខភាពសរសៃប្រសាទ។នាងមិនអាចឆ្លើយនឹងសំណួរបស់ប៉ូលិសបានឡើយ។
ពិតជាឥណ្ឌាមែន!