បន្ទាយមានជ័យ៖ស្លាកសញ្ញាគណបក្សគ្រប់ប្រភេទនិងសកម្មភាពទាំងអស់របស់មន្ត្រីឬសកម្មជនអតីតគណបក្សសង្គ្រោះជាតិនៅបន្ទាយមានជ័យត្រូវបានបិទបញ្ចប់ទាំងស្រុងហើយកាលពីថ្ងៃទី១៨វិច្ឆិកាឆ្នាំ២០១៧ គឺតែ២ថ្ងៃប៉ុណ្ណោះ ក្រោយតុលាការកំពូលរបស់រាជរដ្ឋាបាលបានប្រកាសសាលដីកាស្ថាពរនោះ។
ក្នុងបណ្តាញសង្គមហ្វេសប៊ុករបស់លោកអាត់ ខែមស្នងការនគរបាលខេត្តបន្ទាយមានជ័យ គេបានឃើញលោកនិងកងកម្លាំងចេញធ្វើសកម្មភាពពេញ១យប់ថ្ងៃទី១៧វិច្ឆិកា ចុះបក ផ្តួល រំលើង ដកហូតស្លាកសញ្ញាគណបក្សសង្គ្រោះជាតិ។
លោកសួន បវរ អភិបាលខេត្តបន្ទាយមានជ័យនិងជាប្រធានគណ:បក្សប្រជាជនកម្ព្ជជាខេត្តបន្ទាយមានជ័យប្រាប់CENថ្ងៃទី១៨វិច្ឆិកាថា តាមផែនការគឺស្លាកសញ្ញាអតីតគណបក្សសង្គ្រោះជាតិនៅតាមទីសាធារណ:ត្រូវសមត្ថកិច្ចកងកម្លាំងជាអ្នកចុះទៅផ្តួល ដកហូត បក យកចេញ រឹបអូស។ ឯនៅតាមផ្ទះឬមុខផ្ទះត្រូវអោយម្ចាស់ទីនោះយកចេញជាបន្ទាន់។
លោកនិយាយបន្តថា :”ផែនការគឺការបញ្ចប់អ្វីៗជារបស់អតីតគណបក្សប្រឆាំងគឺធ្វើត្រឹមម៉ោង៩ព្រឹកថ្ងៃទី១៨វិច្ឆិកា”។ ក្នុងនោះភាគច្រើនកម្លាំងនគរបាល និងកម្លាំងប្រដាប់អាវុធផ្សេងទៀតបានសម្រុកចេញទៅទម្លាក់ស្លាកនិងបញ្ចប់សកម្មភាពទាំងអស់របស់អតីតគណបក្សសង្គ្រោះជាតិទាំងយប់ថ្ងៃទី១៧វិច្ឆិកា។ ប៉ុន្តែក្នុងបណ្តាញហ្វេសប៊ុក គេមិនឃើញមានការសកម្មភាពទម្លាក់ស្លាកអតីតគណបក្សសង្គ្រោះជាតិនោះ ព្រោងព្រាតដូចសកម្មភាពផ្សេងៗ ឡើយ។ ដោយ ៖ បន្ទាយ