តាមប្រព័ន្ធផ្សព្វផ្សាយអាមេរិក ប៉ូលិសកំពុងស៊ើបអង្កតរបស់ចម្លែកមួយចំនួនស្ថិតនៅខាងក្រៅអគារ Trump។
តាម Sputnik អង្គភាពទទួលបន្ទុកគ្រឿងផ្ទុះមួយនៃប៉ូលិសញូវយ៉ក នៅថ្ងៃទី២៧កក្កដា ត្រូវបានគេបញ្ជូនទៅមុខអគារTrump ដើម្បីពិនិត្យមើលកញ្ចប់ចម្លែកមួយចំនួនត្រូវបានគេទុកចោលនៅទីនោះ។ពួកគេបានកាត់បន្ថយចរាចរណ៍នៅទីនោះ។
តាមរបាយការណ៍នោះកញ្ចប់របស់មួយដែលគួរឱ្យសង្ស័យបំផុតត្រូវបានគេរកឃើញនៅក្បែរគុម្ពផ្កានាច្រកចូលហាងកាហ្វេ Starbucks នាជាន់ទី២ នៃអគារកម្ពស់៥៨ជាន់នេះ។នៅថ្ងៃនេះប្រធានាធិបតីTrump កំពុងមានវត្ដមាននៅសេតវិមានក្រុងWashington។
សាក្សីនៅកន្លែងកើតហេតុឱ្យដឹងថា ក្រៅពីអង្គភាពគ្រឿងផ្ទុះ គេឃើញមានកងកុម្មង់ដូពិសេសESU។
ក្រោយការស៊ើបអង្កេត មន្ដ្រីនៃទីក្រុងញូវយ៉កឱ្យដឹងថា កញ្ចប់ដែលត្រូវបានគេសង្ស័យនោះគឺជាបរិក្ខារបម្រុងសាកទូរស័ព្ទ ហើយបរិក្ខារនេះត្រូវបានសង្ស័យថាមានផ្ទុកគ្រឿងផ្ទុះ ទាមទារឱ្យកម្លាំងសន្ដិសុខត្រូវពិនិត្យយ៉ាងម៉ត់ចត់។
តាមSputnik ក្រោយមកក៏ឃើញគេបើកផ្លូវឱ្យធ្វើចរាចរណ៍ធម្មតាវិញ៕
សូយន