យន្ដហោះចិនមួយបានចុះសំចតបន្ទាន់ក្រោយពេលរងភ្លៀងថ្មនៅរយៈកម្ពស់ជិត10.000 m បណ្ដាលឱ្យយន្ដហោះប្រេះកញ្ចក់ ក្នុងបន្ទប់បើកបរ និងក្រពឹតក្បាល។
យន្ដហោះត្រូវក្រពឹតក្បាលដោយសារភ្លៀងថ្ម
តាម Dailymail ដែលដកស្រង់របាយការណ៍របស់អាជ្ញាធរអាកាសចរណ៍ស៊ីវិលចិន(CAAC)ឱ្យដឹងថា ហេតុការណ៍នេះបានកើតឡើងចំពោះជើងហោះហើរលេខ GS7865 របស់ក្រុមហ៊ុនTianjin Airlines ចេញដំណើរពីទីក្រុងកំពង់ផែTianjin ទៅទីក្រុងហៃគូ នៅថ្ងៃទី២៦ខែកក្កដា ។
យន្ដហោះAirbus A320-232 បានជួបភ្លៀងថ្មយ៉ាងខ្លាំងពេលកំពុងហោះហើរនៅរយៈកម្ពស់9.700 m បណ្ដាលឱ្យកញ្ចក់នៃបន្ទប់បើកបរត្រូវប្រេះ ហើយក្បាលរបស់វាលឹបចូលមកខាងក្នុង។
តាមរបាយការណ៍ក្រុមហ៊ុនTianjin Airlines អ្នកដំណើរនិងក្រុមហោះហើរមានសុវត្ថិភាពទេ ហើយឱ្យដឹងថា យន្ដហោះបានរងការវាយប្រហារពីភ្លៀងថ្មពេលហោះហើរបាន២ម៉ោង ក្នុងដំណើរមួយត្រូវចំណាយពេល៤ម៉ោង ហេតុនេះយន្ដហោះត្រូវបង្ខំចិត្តប្ដូរទិសមកចុះចតនៅទីក្រុងអ៊ូហាន៕
សូយន
ផ្នែកកញ្ចក់យន្ដហោះត្រូវប្រេះ ផ្នែកក្បាលយន្ដហោះរងការខូចខាតយ៉ាងធ្ងន់ធ្ងរបំផុត
