ភ្នំពេញ ៖ គ.ជ.ប បានប្រកាសថា យុទ្ធនាការឃោសនាបោះឆ្នោតជ្រើសតាំងតំណាងរាស្ត្រ អាណត្តិទី០៦ រយៈពេល២១ថ្ងៃដែលបានបិទបញ្ចប់នៅល្ងាចថ្ងៃសុក្រម្សិលមិញនេះ ការឃោសនាបោះឆ្នោត លើកមុន បណ្តឹងទៅថ្នាក់ឃុំសង្កាត់ មាន៣៧៣បណ្តឹងលើកនេះ មានតែ៣០បណ្តឹង ប៉ុណ្ណោះ ហើយនៅគណៈកម្មាធិការរាជធានី ខេត្តរៀបចំការបោះឆ្នោត លើកមុនមនា១២២បណ្តឹងលើកនេះមានតែ៨បណ្តឹងប៉ុណ្ណោះ។
នៅព្រឹកថ្ងៃទី២៨ ខែកក្កដា ឆ្នាំ២០១៨នេះ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីប្រកាសបង្ហាញលទ្ធផលសរុបព្រឹត្តិការណ៍ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ អាណត្តិទី០៦ រយៈពេល២១ថ្ងៃដោយបានបញ្ជាក់ថា ក្នុងរយៈពេល២១ថ្ងៃមកនេះ យុទ្ធនាការឃោសនារកសំឡេងឆ្នោតរបស់គណបក្សនយោបាយទាំង២០ មានប្រជាពលរដ្ឋ ចេញទៅហែរក្បួនប្រមាណជិត២លាននាក់ ដែលធ្វើសកម្មភាពឃោសនានៅតាមដងផ្លូវ ប្រជុំ និងចែកខិត្តបណ្ណ។ ចំពោះរថយន្តដែលបានប្រើប្រាស់ក្នុងរយៈពេលឃោសនានេះ គឺមានប្រមាណជាង៦ម៉ឺនគ្រឿង ចំណែកម៉ូតូមានប្រមាណជាង៣សែនគ្រឿងផងដែរ៕ ដោយ ៖ បញ្ញាស័ក្តិ
ខាងក្រោមនេះជាសេចក្តីប្រកាសរបស់គ.ជ.ប៖
