ភ្នំពេញ ៖ គ.ជ.ប បានចេញសេចក្ដីណែនាំបន្ថែម លេខ ០៦៧ ស្ដីពីការផ្ដល់សុពលភាពលើគំនូសសញ្ញាគាំទ្រលើសន្លឹកឆ្នោតដោយបានបញ្ជាក់ថា ការសម្រេចផ្ដល់សុពលភាពជាសន្លឹកឆ្នោតបានការ ឬសន្លឹកឆ្នោតមិនបានការ គឺជាសិទ្ធិ និងជាសមត្ថកិច្ចរបស់ប្រធានគណៈកម្មការការិយាល័យរាប់សន្លឹកឆ្នោត (គ.ក.រ) ហើយជនណាដែលបង្កការរំខាន និងអុកឡុកមិនឱ្យដំណើរការរាប់សន្លឹកឆ្នោតបាន ត្រូវចាត់វិធានការបណ្តេញចេញ និងពិន័យ២០លានរៀល។
គណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ជាក់បន្ថែមថា ជនណាដែលមិនយល់ស្របតាមការសម្រេចរបស់ប្រធាន គ.ក.រ អាចតវ៉ា ឬ/និងជំទាស់ ចំពោះករណីនេះទៅកាន់គណៈកម្មការឃុំ-សង្កាត់ រៀបចំការបោះឆ្នោត (គឃ.សប) យ៉ាងយូរត្រឹមម៉ោង១១៖៣០នាទី នៃថ្ងៃបន្ទាប់ពីថ្ងៃបោះឆ្នោត ។ ជនគ្រប់រូបដែលមានវត្តមាននៅក្នុងការិយាល័យរាប់សន្លឹកឆ្នោត និងនៅក្នុងបរិវេណខាងក្នុងត្រូវស្ថិតក្រោមការគ្រប់គ្រង់ និងការត្រួតពិនិត្យរបស់ប្រធាន គ.ក.រ ។ ក្នុងករណីជនណាបង្កការអុកឡុកឬរំខានមិនឱ្យដំណើរការរាប់សន្លឹកឆ្នោតបាន ប្រធាន គ.ក.រ ត្រូវចាត់វិធានការបណ្តេញជននោះ ចេញពីការិយាល័យភ្លាម និងធ្វើរបាយការណ៍អំពីករណីនេះជូនទៅ គឃ.សប។ ជនណាដែលបង្កការរំខាន មិនរាប់សន្លឹកឆ្នោតបាន ជននោះនឹងត្រូវផាកពិន័យជាប្រាក់ពី ៥.០០០.០០០រៀល ទៅ ២០.០០០.០០០រៀល ដោយ គ.ជ.ប ពុំទាន់ គិតដល់ទោសព្រហ្មទណ្ឌផ្សេងទៀត៕ ដោយ ៖ កូឡាប
ខាងក្រោមនេះ ជាសេចក្ដីណែនាំបន្ថែមរបស់ គ.ជ.ប៖