ស្រីស្រស់មានឥទ្ធិពលលើបណ្តាញសង្គមម្នាក់ នៅក្នុងប្រទេសសិង្ហបុរី បានចែករំលែកឃ្លីបចំនួន៣ជិះរថយន្ត «វាយប្រហារ» លើដងផ្លូវ ជាមួយល្បឿនរហូតដល់ ១៩២ គីឡូម៉ែត្រ/ម៉ោង ដែលរឿងនេះវាពិតជាហួសពីដែនកំណត់ទូទៅរបស់រដ្ឋ ដែលបានចែងច្បាប់បើកបរត្រឹមល្បឿន ៥០ គីឡូម៉ែត្រ/ម៉ោង ។
ស្ត្រីមានឥទ្ធិពលនេះ ដែលត្រូវបានគេរាយការណ៍ថាមានឈ្មោះ Chloe Teo មិនត្រឹមតែថតវីដេអូជិះរថយន្តប៉ុណ្ណោះទេ ប៉ុន្តែ ក៏បានលើកទឹកចិត្តដល់អ្នកបើកបរខ្លួនទៀត ។
នៅក្នុងឃ្លីបទី១ ស្រីស្អាតរូបនេះត្រូវបានឃើញអង្គុយនៅកៅអីអ្នកដំណើរ ហើយវាត្រូវបានគេរាយការណ៍ថា មានអ្នកដំណើរម្នាក់ទៀតអង្គុយនៅកៅអីក្រោយ ។
នាងត្រូវបានលឺនិយាយយ៉ាងដូច្នេះថា «ខ្ញុំគិតថា អ្នកបើកបរស្ទើរៗភ្លើងរបស់ខ្ញុំដូចឆ្កួតអីចឹង!» និងសូម្បីដាក់ចំណងជើងវីដេអូថា៖ «នេះជាវិធីដ៏ល្អបំផុតដើម្បីបញ្ចប់នៅយប់នេះ អ្នកទាំងអស់គ្នា ។ ខ្ញុំបានផ្តល់ឲ្យគាត់ ២០លើ១០ (20/10)» ។
នៅក្នុងឃ្លីបទី២នៅលើ Instagram របស់នាងៗ ត្រូវបានឃើញជជែកគ្នាជាមួយអ្នកបើកបរ និងអ្នករួមដំណើរម្នាក់នៅកៅអីក្រោយ ដោយសើចក្អាកក្អាយ និងសួរថា «តើរីករាយទេ មែនទេ?» ។
នៅក្នុងឃ្លីបចុងក្រោយ នាងបាននិយាយថា៖ «ប្រសិនអ្នកពុំអាចធ្វើរឿងនេះបាន នោះអ្នកមិនសមជាមនុស្សប្រុសទេ» ។
ទោះយ៉ាងណា សម្រាប់ការបើកបរល្បឿនហួសកំណត់ជាង ៦០ គីឡូម៉ែត្រ/ម៉ោង នោះអ្នកបើកបរនឹងត្រូវប្រឈមការផ្អាកប័ណ្ណបើកបររយៈពេល ១២ សប្តាហ៍ ។
យោងតាមគេហទំព័ររបស់កងកម្លាំងប៉ូលីសសិង្ហបុរី នោះរយៈពេលពិន័យនេះនឹងត្រូវបានអនុវត្ត ប្រសិនបើអ្នកបើកបរនោះពុំមានកំណត់ហេតុពីមុន ។
រឿងទាំងអស់នេះនៅលើ Instagram គឺមានរយៈពេលត្រឹមតែ ២៤ ម៉ោង ប៉ុណ្ណោះ តាមរយៈកំហុសនេះ ប៉ុន្តែ អ្នកទស្សនាបានគ្រប់គ្រងរក្សា (save) ឃ្លីបរបស់ Teo និងចែករំលែកបន្តទៀត ៕ ចន្ទី (nextshark, worldofbuzz)
