ក្រោយអង្គប្រជុំម្ចាស់ភាគហ៊ុន ពោរពេញដោយ “សុបិន្តអាក្រក់” ប្រព្រឹត្តទៅរយៈពេល ៩០នាទី ស្របពេលដែលភាគហ៊ុនរបស់ facebook ធ្លាក់ចុះយ៉ាងដំណំ ទឹកប្រាក់ជាង ១៥០ពាន់លានដុល្លារ បានរលាយខ្សុលពីទីផ្សារភាគហ៊ុន ។ ឥឡូវម្ចាស់ភាគហ៊ុនជាច្រើនកំពុងត្រៀមផែនការដកហូតតំណែងពី Mark Zuckerberg ។
CEO និងនាយកប្រតិបត្តិ facebook Mark Zuckerberg ។
រឿងអាស្រូវបែកធ្លាយទិន្នន័យ cambridge Analytica ប៉ុន្មានខែមុន ពុំធ្វើឲ្យមានផលរមាស់អ្វីដល់ facebook ទេ ប៉ុន្តែប៉ុន្មានខែកន្លងមកនេះ សុបិន្តអាក្រក់ បានកើតមាន ក្រោយរបាយការណ៍ហិរញ្ញវត្ថុត្រីមាសទី២ របស់ក្រុមហ៊ុននេះត្រូវបានប្រកាសចេញ ។
តាមនោះចំណូលត្រីមាសទី II របស់ FB កើន ៤១% ស្មើនឹង ១៣,២៣ ពាន់លានដុល្លារ ប៉ុន្តែចំណាយសម្រាប់ការធានាសុវត្ថិភាពទិន្នន័យ fb កើនបន្ថែម ៥០% ស្មើនឹង ៧,៣៧ ពាន់លានដុល្លារ ក្រោយរឿងអាស្រូវខាងលើ ។ ហេតុនេះ ថ្វីត្បិតវាធ្វើឲ្យអ្នកប្រើ FB រីករាយ មានទំនុកចិត្តវិញ ប៉ុន្តែម្ចាស់ភាគហ៊ុន FB ពុំបានរីករាយនឹងរឿងនេះទេ ។
តម្លៃភាគហ៊ុនធ្លាក់ចុះគំហុក
ក្នុង១ថ្ងៃប៉ុណ្ណោះទឹកប្រាក់ ១៥១ លានដុល្លារ បានរលាយខ្សុលពីផ្សារហ៊ុន ខណៈពេលស្ថាបនិកនិងជាប្រធាន FB បានខាតបង់អស់ ១៦ពាន់លានដុល្លារ (តម្លៃភាគហ៊ុន) ។ ទន្ទឹមនោះចំនួនអ្នកប្រើបានឈានដល់ 2,5 ពាន់លាននាក់ ដែលស្ថិតដល់កម្រិតកំពូល ហើយបម្រុងនឹងដល់ពេលធ្លាក់ចុះ ធ្វើឲ្យ FB ប្រឈមនឹងអនាគតស្រពិចស្រពិល ។
ខណៈពេលនោះភារៈទទួលខុសត្រូវ គឺធ្លាក់លើ Mark Zuckerberg ដែលក្តោបក្តាប់តំណែងដល់ទៅ ២ គឺ ប្រធាន CEO ហើយក៏ជានាយកប្រតិបត្តិផង ៕ ចន្ទ្រា
