ប៉ូលិសនៅNew Orleans កំពុងតាមរុករកខ្មាន់កាំភ្លើង២នាក់ ក្រោយពេលការបាញ់រះមនុស្សនៅខាងក្រៅក្លិបមួយនៅកណ្ដាលទីក្រុង។
ប៉ូលិសមានវត្ដមាននៅកន្លែងកើតហេតុ
ក្រុមអ្នកស៊ើបអង្កតសន្និដ្ឋានថា មុខសញ្ញាពីរដែលមិនទាន់ដឹងអត្ដសញ្ញាណ «មានប្រដាប់អាវុធ មានសម្លៀកបំពាក់គ្របជិតក្បាល បានចូលកៀកហ្វូងមនុស្សដែលកំពុងឈរខាងក្រៅក្លិប រួចផ្ទុះអាវុធទៅលើពួកគេ»។ ក្រោយមកពួកវាបានរត់គេចខ្លួនបាត់ -នេះបើតាមAFP។
ករណីវាយប្រហារនេះកើតឡើងនៅយប់ថ្ងៃទី២៨កក្កដា នៅខាងក្រៅក្រៅក្លិបមួយជិត French Quart ។នៅកន្លែងកើតហេតុ ស្នងការប៉ូសិស Michael Harrison ឱ្យដឹងថា ជនសង្ស័យម្នាក់ប្រើកាំភ្លើងវែងនិងម្នាក់ទៀតប្រើកាំភ្លើងខ្លី។លោកស្នងការរូបនេះវាយតម្លៃថា យើងខ្ញុំគិតថារឿងនេះជារឿងគំនុំឯកជន។ មនុស្ស៣នាក់ស្លាប់នៅកន្លែងកើតហេតុគឺមានបុរស២នាក់ស្ដ្រីម្នាក់។ជនរងគ្រោះ៧នាក់ផ្សេងទៀតរួមមានបុរស៥នាក់និងនារី២នាក់កំពុងត្រូវបានសង្គ្រោះនៅមន្ទីរពេទ្យ។បច្ចុប្បន្ននៅពុំទាន់ដឹងច្បាស់អំពីមូលហេតុនៃការបាញ់រះខាងលើនៅឡើយទេ៕
សូយន