ប៉ូលិសក្រុងចាងស៊ីន ខេត្តគីលីនភាគឥសានប្រទេសចិន បានស្នើសុំស្ថាប័នអយ្យការអនុម័តបទបញ្ជាចាប់ខ្លួនមនុស្ស១៨នាក់ នៅក្រុមហ៊ុនបច្ចេកវិជ្ជាវិទ្យាសាស្ដ្រ CHANG CHUN CHANG SEN ដែលជាក្រុមហ៊ុនផលិតឱសថធំជាងគេប្រទេសចិន ហើយកំពុងជា«ស្នូល»ក្នុងរឿងអាស្រូវវ៉ាក់សាំងរញ្ជួយប្រទេសចិន។
អាជ្ញាធរគ្រប់គ្រងនិងឃ្លាំមើលទីផ្សារ ធ្វើការត្រួតពិតនិត្យវ៉ាក់សាំង
មុននោះ ស្រី្ដប្រធានក្រុមហ៊ុននេះត្រូវបានចាប់ខ្លួនរួចហើយ ។
សំណូមពរខាងលើ ត្រូវបានលើកឡើងក្រោយពេលដែលអគ្គនាយកដ្ឋានគ្រប់គ្រងនិងតាមដានឃ្លាំមើលស្បៀងអាហារនិងឱសថជាតិចិន(CFDA) បានត្រួតពិនិត្យឡើងវិញនូវសកម្មភាពផលិតវ៉ាក់សាំងទូទាំងប្រទេស។លទ្ធផលគឺក្រុមហ៊ុននេះបានបំពារបំពានយ៉ាងធ្ងន់ធ្ងរ លើស្ដង់ដារផលិត ក្នុងគោលបំណងកាត់បន្ថយចំណាយនិងភូតកុហកអំពីអត្រាជោគជ័យនៃជំងឺឆ្កែឆ្កួតដែលក្រុមហ៊ុនខ្លួនជាអ្នកផលិត។
CFDA បានដកហូតលិខិតអនុញ្ញាតច្បាប់ខាងលើ ហើយសំណូមពរឱ្យក្រុមហ៊ុននេះផ្អាកសកម្មភាពនិងការលក់ផលិតផលខាងលើនិងផ្អាកផ្ដល់អាជ្ញាប័ណ្ណចំពោះផលិតផលផ្សេងទៀតរបស់ក្រុមហ៊ុន។
តាមក្រុមហ៊ុនចែកចាយ នៅក្នុងឆ្នាំ២០៧ ក្រុមហ៊ុនខាងលើបានលក់វ៉ាក់សាំងDPT ដែលជាវ៉ាក់សាំងបង្ការជំងឺឈាមស ក្អកមាន់និងតេតាណូស សម្រាប់ក្មេងចំនួន252.000ដូស។
ហេតុការណ៍នេះបានបង្ករលកកំហឹងពីសំណាក់អាណាព្យាបាលនិងអតិថិជនរបស់ក្រុមហ៊ុន។
គួររម្លឹកថា កាលពីថ្ងៃទី២៣ ខែកក្កដាកន្លងមក ប្រធានរដ្ឋចិនXi Jinping បានចេញបញ្ជាឱ្យអាជ្ញាធរប្រទេសនេះធ្វើការស៊ើបអង្កេតនិងដាក់ទោសធ្ងន់ធ្ងរចំពោះអ្នកពាក់ព័ន្ធក្នុងរឿងអាស្រូវដែលលោកហៅថា«គួរឱ្យខ្ពើមរអើម»នេះ៕
សូយន