តាមរយៈកាមេរ៉ាសុវត្ថិភាព គេឃើញAlexander Zhestokov អាយុ៣៩ឆ្នាំ ពាក់អាវសឺមី កំពុងឈរអើតក្បាលជជែកគ្នាជាមួយ គូកនរបស់ខ្លួននៅតំបន់Kemerovo, ភាគនិរតី Siberia។ ស្រាប់តែឃាតកម្នាក់ស្លៀកពាក់ខ្មៅ វ៉ែនតាខ្មៅ ដើរចូលមកក្នុងហាង រួចដកកាំភ្លើងបាញ់។
ឃាតកសម្លាប់ Zhestokov ផ្ទុះអាវុធក្នុងចម្ងាយកៀកបំផុត
វាបានបាញ់ពីក្រោយខ្នងZhestokov ក្នុងចម្ងាយកៀក ជាហេតុធ្វើឱ្យជនរងគ្រោះស្លាប់នៅនឹងកន្លែងកាលពីថ្ងៃទី២៧ខែកក្កដា។ មិត្ដភក្ដិនិងគូកនរបស់ជនរងគ្រោះបាននាំគ្នារត់ប្រសាចចេញទៅក្រោយពីមេរបស់ខ្លួនបានដួលដេកលើកំរាលឥដ្ឋ។
គួររម្លឹកថា Zhestokov បានត្រូវកាត់ទោសឱ្យជាប់ពន្ធនាគារ៧ឆ្នាំ កាលពីខែឧសភា២០១៧ ប៉ុន្ដែបានឃុំខ្លួនក្នុងពន្ធគារតាំងពីឆ្នាំ២០១៣ ទើបមេបក្សសង្គមងងឹតនេះត្រូវបានដោះលែងក្រោយការកាត់ទោស២ខែ។ Zhestokov ត្រូវបានចោទប្រកាន់ថាជាអ្នកមេបញ្ជា្កការអង្គការឧក្រិដ្ឋកម្មZapsibovskie និងត្រូវចោទប្រកាន់ពីបទចាប់ជំរិតយកប្រាក់។អង្គការឧក្រិដ្ឋកម្មនេះត្រូវបានបង្កើតនៅទីក្រុងNovokuznetsk នៅឆ្នាំ២០០៨ ។
ប៉ូលិសបានបើកការស៊ើបអង្កេតនិងរុករកជនល្មើស៕
សូយន