ប្រមុខការទូតអាមេរិក Mike Pompeo បានសង្កត់ធ្ងន់ដូចពោលខាងលើក្នុងវេទិកាពាណិជ្ជកម្មមហាសមុទ្រឥណ្ឌា-ប៉ាស៊ីហ្វិក លើកទី១ នៅរដ្ឋធានី Washington កាលពីថ្ងៃទី៣០ខែកក្កដា។
ប្រមុខការទូតអាមេរិក Mike Pompeo
អាមេរិក«មិនស្វែងរកតួនាទីត្រួតត្រាក្នុងតំបន់នេះ ហើយនឹងប្រឆាំងតបចំពោះប្រទេសណាក៏ដោយដែលមានបំណងបែបនេះ -នេះបើតាមReuters ដកស្រង់សម្ដីលោកPompeo ។
តាមប្រមុខការទូតPompeo ក្រុងWashington នឹងប្រកាសជាសាធារណៈនូវកញ្ចប់ឧបត្ថម្ភថ្មីមួយអំពីសន្ដិសុខសម្រាប់តំបន់ក្នុងសប្ដាហ៍នេះ។តាមគម្រោងលោកនឹងទៅធ្វើទស្សនកិច្ចនៅម៉ាឡស៊ី ឥណ្ឌូណេស៊ី ក៏ដូចជាចូលរួមសន្និសីទរដ្ឋមន្ដ្រីការបរទេសអាស៊ាន រួមជាមួយដៃគូចរចានាសិង្ហបុរី។
នៅវេទិកានេះដែរ ប្រមុខការទូតអាមេរិកក៏បានប្រកាសអំពីកញ្ចប់វិនិយោគតម្លៃ១១៣លានដុល្លារសម្រាប់គំនិតច្នៃប្រឌិត បច្ចេកវិជ្ជាថ្មី ថាមពលនិងហេដ្ឋារចនាសម្ព័ន្ធនៅមហាសមុទ្រឥណ្ឌា-ប៉ាស៊ីហ្វិក។
លោកPompeo អះអាង៖ នេះគឺជាសក្ខីកម្មបញ្ជាក់ដល់ការសន្យារបស់អាមេរិកចំពោះសន្ដិភាពនិងភាពរុងរឿងនៅមហាសមុទ្រឥណ្ឌា-ប៉ាស៊ីហ្វិក។
ឥរិយាបថថ្មីនេះនឹងនាំមកនូវក្របខ័ណ្ឌសហប្រតិបតិ្ដការថ្មីរវាងអាមេរិកនិងតំបន់ ក្រោយពេលដែលប្រធានាធិបតីអាមេរិក Donald Trump ប្រកាសដកខ្លួនចេញពីសន្ធិសញ្ញាដៃគូគ្រប់ជ្រុងជ្រោយនិងជឿនលឿនឆ្លងកាត់មហាសមុទ្រប៉ាស៊ីហ្វិក CPTPP។
តាមអ្នកជំនាញការ ទង្វើនេះត្រូវបានចាត់ទុកជាជំហានរបស់អាមេរិកក្នុងការតតាំងជាមួយយុទ្ធសាស្ដ្រខ្សែក្រវាត់និងវិថីរបស់ចិន៕
សូយន