នៅថ្ងៃទី៣០ខែកក្កដា ព្រលានយន្ដហោះNarita ដែលស្ថិតនៅប៉ែកខាងកើតនៃរដ្ឋធានីតូក្យូ ប្រទេសជប៉ុន បានបង្ខំចិត្ដត្រូវបិទផ្លូវមួយក្នុងចំណោមផ្លូវហោះហើរ២ ក្រោយពេលដែលយន្ដហោះBoeing 787 របស់ក្រុមហ៊ុនអាកាសចរណ៍កាណាដា(Air Canada) បានចុះចតច្រឡំផ្លូវហោះហើរមួយដែលគេកំពុងសាងសង់។
យន្ដហោះរបស់ក្រុមហ៊ុន Air Canada បានចុះសំចតច្រឡំផ្លូវ
តាមស្ថានីយទូរទស្សន៍ NHK យន្ដហោះAir Canada ដែលដឹកអ្នកដំណើរ២១០នាក់ ចេញដំណើរពី Montreal-Trudeau បានជាប់គាំងច្រើនម៉ោងលើផ្លូវហោះហើរកំពុងសាងសង់តាមបណ្ដោយផ្លូវហោះហើរមួយទៀត។ពុំមានអ្នកស្លាប់ឬរបួសក្នុងព្រឹត្ដិការណ៍ខាងលើទេ។
បណ្ដាអង្គភាពមានសមត្ថកិច្ចបានអូសទាញយន្ដហោះនេះចេញផុតពីផ្លូវកំពុងសាងសង់។
ព្រោះតែព្រលានយន្ដហោះនេះត្រូវបិទទ្វារ ធ្វើឱ្យជើងហោះហើរ៦ត្រូវបានលុបចោល ហើយជើងហោះហើរច្រើនទៀតត្រូវបានប្ដូរទិសទៅចុះចតនៅព្រលានយន្ដហោះផ្សេងទៀត។
ក្នុងមួយឆ្នាំៗមានអ្នកដំណើរ៤០លាននាក់ដែលធ្វើដំណើរតាមជើងហោះហើរចំនួន២៥០០០ជើងដែលចុះចតនិងហោះហើរចេញទៅពីព្រលានយន្ដហោះនេះ៕
សូយន