ថ្មីៗនេះ ដោយសារសំឡឹងឃើញការជួញដូរលើវិស័យអចលនៈទ្រព្យមានសន្ទុះកាន់តែខ្លាំងឡើងៗនោះ លោក ប៉ែន ចំរ៉ុង ដែលជាពិធីករ និងតារាសម្ដែងដ៏ល្បីឈ្មោះ ក៏បានចាប់យករបរនេះដែរ ខណៈដែលកន្លងមកមានតារាសិល្បៈចំនួនដូចជា លោក ហេង ប៊ុនលាភ លោក យុត្ថាវ៉ា រាន់នី លោក ព្រាប សុវត្ថិ លោក អ៊ីណូ កុំពុងជោគជ័យនៅក្នុងរបររកស៊ីមួយនេះ ។
យើងបានដឹងរួចមកហើយថា បច្ចុប្បន្ននេះ លោក ប៉ែន ចំរ៉ុង កំពុងជោគជ័យខ្លាំងនៅក្នុងអាជីពសិល្បៈរបស់លោក មិនថាទាំងសម្ដែង និង ពិធីករនោះទេ ហើយចំនូលរបស់លោក ក៏អាចរកបានរាប់ពាន់ និងអាចឈានទៅដល់ខ្ទង់ដុល្លារក្នុងមួយខែៗ ក៏ថាបាន ។ ថ្វីបើកំពុងជោគជ័យលើវិស័យសិល្បៈក៏ពិតមែន ក៏ប្រុសសង្ហារូបនេះ នៅតែចាប់យកអាជីពពុះដីឡូតិ៍លក់មួយមុខទៀត ហើយនៅក្នុងថ្ងៃបើកពុះឡូតិ៍ដំបូង គេឃើញមានមិត្តសិល្បៈករជាច្រើនរូបចូលរួមផងដែរ ៕ សាវុធ