ថៃ៖ យើងធ្លាប់តែលឺករណីផ្ទុះហ្គាសបង្កជាអភីភ័យឆាប់ឆេះរថយន្ត និងបណ្តាលឲ្យគ្រោះថ្នាក់ដល់អាយុជីវិតមនុស្ស ។ ប៉ុន្តែ សម្រាប់ករណីនេះវិញ ពិតជាគួរឲ្យភ្ញាក់ផ្អើល ដែលមនុស្សជាច្រើនចាត់ទុកថាជាសំណាងហើយ ដែលគ្រួសារមួយមានគ្នា៤នាក់នៅតែមានជីវិតដោយគ្រាន់តែសន្លប់ ដោយសារស្រូបចូលក្លិនហ្គាសលេចធ្លាយក្នុងរថយន្តរបស់ពួកគេ ។
ផេកហ្វេសប៊ុកថៃឈ្មោះ บิ๊กเกรียน បានផុសឲ្យដឹងថា បុរគ្គលិកសង្គ្រោះបានជួយសង្គ្រោះបុរសម្នាក់, ស្ត្រី២នាក់ និងក្មេងម្នាក់ ដោយសុវត្ថិភាព ពីការដេកសន្លប់ស្តូកស្តឹងនៅក្នុងរថយន្តរបស់ពួកគេ ដែលបានលេចធ្លាយហ្គាសរយៈពេលយូរ ។
ពួកគេកំពុងធ្វើដំណើរចេញពីក្នុងខេត្ត Nakhon Nayok ឆ្ពោះទៅកាន់ Cha Am ប៉ុន្តែ ក៏បានជួបហេតុការណ៍ហ្គាសរថយន្តលេចធ្លាយ បណ្តាលឲ្យពួកគេទាំងអស់គ្នាសន្លប់បាត់បង់ស្មារតី នៅចំណុច Na Khok ផ្លូវ Rama 2 ។ សំណាងណាស់ ដែលពួកគេត្រូវបានជួយសង្គ្រោះទាន់ពេលវេលា ។
ម្ចាស់ផេកនេះក៏បានសរសេរណែនាំថា ប្រសិនអ្នកមានរថយន្តប្រើហ្គាស សូមត្រួតពិនិត្យប្រព័ន្ធឲ្យបានត្រឹមត្រូវ ។ ព្រោះថា គ្រោះថ្នាក់អាចកើតឡើងច្រើនទម្រង់ដូចដែលគ្រប់គ្នាធ្លាប់បានដឹងហើយ ៕ ឧត្តម
