តាមAFP យន្ដហោះពាណិជ្ជកម្មមួយគ្រឿងរបស់ក្រុមហ៊ុនAeromexico ដែលដឹកអ្នកដំណើរប្រមាណ១០០នាក់បានធ្លាក់ មិនយូរប៉ុន្មានក្រោយពីហោះហើរចេញពីព្រលានយន្ដហោះDurango ភាគខាងជើងMexicoនៅព្រឹកថ្ងៃទី១ខែសីហានេះ អ្នកដំណើរចំនួន៩៧នាក់រួមជាមួយក្រុមហោះហើរ៤នាក់មានវត្តមាននៅលើយន្ដហោះនេះ។
តាមReuters ឱ្យដឹងថា មានមុន្ស៨៥នាក់រងរបួសក្នុងករណីធ្លាក់យន្ដហោះនេះ ប៉ុន្ដែពុំមានអ្នកស្លាប់ទេ។
យន្ដហោះជួបគ្រោះថ្នាក់មានជើងហោះហើរលេខសម្គាល់2431 គឺជាយន្ដហោះ Embraer 190 ផលិតដោយប្រេស៊ីល។ តាមGrupo Aeroportuario Centro Norte ដែលជាភ្នាក់ងារសម្របសម្រួលការហោះហើររាយការណ៍បឋមថា យន្ដហោះជួបគ្រោះថ្នាក់ព្រោះអាកាសធាតុអាក្រក់ពេក៕
សូយន