Reutersឱ្យដឹងថា នាយករដ្ឋមន្ដ្រីថៃ Prayuth Chan-ocha នៅថ្ងៃទី៣១ខែកក្កដា ឱ្យដឹងថា ថៃបានស្នើសុំអង់គ្លេសដើម្បីធ្វើបត្យាប័នអតីតនាយករដ្ឋមន្ដ្រីYingluck Shinawatra អ្នកដែលត្រូវបានផ្ដួលរំលំក្នុងរដ្ឋប្រហារឆ្នាំ២០១៤ និងត្រូវបានកាត់ទោសកំបាំងមុខ៥ឆ្នាំពីបទខ្វះការទទួលខុសត្រូវក្នុងអំឡុងពេលដឹកនាំប្រទេស។
នាយករដ្ឋមន្ដ្រីប្រាយុទ្ធ ឱ្យដឹងថា សំណូមពរនេះគឺជាបែបបទចាំបាច់មួយរវាងប្រទេស២ ដែលមានសន្ធិសញ្ញាបត្យាប័នជាមួយគ្នា។ លោកពោលថា៖ យើងខ្ញុំមិនអាចទៅចាប់មនុស្សនៅបរទេសបានទេ ហេតុនេះការចាប់ខ្លួននិងបញ្ជូនលោកស្រីYingluck មកឱ្យយើងខ្ញុំវាចំណុះទៅលើប្រទេសនោះ។
គួររម្លឹកថា អ្នកស្រីYingluckបានរត់គេចខ្លួនចេញពីប្រទេសថៃនៅអំឡុងខែសីហាឆ្នាំ២០១៧ ដើម្បីបញ្ចៀសពីការជាប់ពន្ធនាគារក្រោមបទចោទប្រកាន់ថាអ្នកស្រីបានធ្វើឱ្យខាតបង់ប្រាក់រាប់ពាន់លានដុល្លារ តាមរយៈកម្មវិធីគាំទ្រតម្លៃស្រូវនៅប្រទេសនេះ៕
សូយន
