ប្រសិនអ្នកមានទម្លាប់យកដៃបិទមាត់ពេលកណ្តាស់ ចូរបោះបង់ចោលភ្លាម ព្រោះវាបង្កជាជំងឺគ្រោះថ្នាក់ជាច្រើន ។
កណ្តាស់ជាការរំដោះខ្យល់ចេញពីសួតតាមរយៈផ្នែកច្រមុះ និងមាត់ ។ ទន្ទឹមនោះ យើងក៏តែងកណ្តាស់ដោយសារភ្នាសច្រមុះ ត្រូវរំញោចដោយរបស់អ្វីមួយ ។ នេះជាប្រតិកម្មធម្មជាតិរបស់មនុស្ស ។ ពេលកណ្តាស់មនុស្សគ្រប់គ្នាមានទម្លាប់យកដៃបិទមាត់ ពិសេសគឺពេលនៅទីសាធារណៈ ។ ប៉ុន្តែ មានការពិតមួយដែលអ្នកមិនអាចស្មានដល់ នោះគឺការយកដៃបិទមាត់ ពេលកណ្តាស់បែរជាកំហុសដ៏គ្រោះថ្នាក់មួយអាចបណ្តាលឲ្យស្លាប់បាន ។
ការកណ្តាស់សំដៅកម្ចាត់ចោលពន្លកជំងឺ, បាក់តេរីពីក្នុងច្រមុះរបស់អ្នក វាអាចរាលដាលទៅពាសពេញលឿនដូចភ្លើងឆេះព្រៃ ។ ពេលកណ្តាស់យើងអាចរុញបាក់តេរីចេញឆ្ងាយពីច្រមុះដល់ ៤ ម៉ែត្រ ហើយវាអាចរស់នៅក្នុងបរិយាកាសដល់ ៤៥ នាទី ។ ប្រសិនយើងចេះវិធីកណ្តាស់អាចជួយទប់ស្កាត់ការរាលដាលរបស់មេរោគទាំងនោះ ។
Lisa Ac kerley វេជ្ជបណ្ឌិតជំនាញផ្នែកអនាម័យទូន្មានគ្រប់គ្នាគួរអនុវត្តន៍វិធានការ «កណ្តាស់កែងដៃ» ដើម្បី បញ្ចៀសរាលដាលជំងឺ ។ វេជ្ជបណ្ឌិតឲ្យដឹងថា៖ «បច្ចុប្បន្ន ការកណ្តាស់ ឬ ក្អក ដាក់កែងដៃជាការល្អបំផុត ។ ប្រសិនកណ្តាស់ដាក់បាតដៃ សូម្បីតែពេលអ្នកមានក្រដាសជូតមាត់, ពពួកវីរុសនៅតែអាចឆ្លងកាត់ក្រដាស និងចម្លងចូលបរិយាកាស ។ ប្រសិនអ្នកមិនអាចលាងដៃក្រោយពេលកណ្តាស់នោះល្អបំផុត គឺកណ្តាស់ដាក់កែងដៃ ។ ថ្វីត្បិតអ្នកមិនអាចមើលឃើញ តែមានមេរោគរាប់ពាន់លានជាប់នៅលើដៃរបស់អ្នក ហើយប្រសិនមិនលាងដៃ មេរោគនឹងឆ្លងទៅទូរស័ព្ទ, កែវកាហ្វេ… ឬ របស់អ្វីដែលអ្នកប៉ះពាល់» ។
ការលាងដៃក្រោយពេលកណ្តាស់ អាចការពារយើងផុតពីគ្រុនផ្តាសាយ, សម្លាប់បាក់តេរីលើដៃរបស់អ្នក មុនពេលវាមានឱកាសឆ្លងទោអ្នកដទៃ ៕
លីសា
