ភ្នំពេញ ៖ បុរសជនជាតិចិន២នាក់ បើក ឡិចស៊ីស LX330 មិនប្រយ័ត្ន ជ្រុលទៅបុកម៉ូតូឆ្លងផ្លូវចំពីមុខពេញទំហឹងបណ្តាលឲ្យបុរសជាប្ដីបានស្លាប់ភ្លាម រីឯប្រពន្ធរបួសធ្ងន់ នៅលើដងផ្លូវជាតិលេខ១ ស្ថិតក្នុងភូមិក្ដីតាកុយ សង្កាត់វាលស្បូវ ខណ្ឌច្បារអំពៅ១ វេលាម៉ោង១០និង២០នាទីយប់ថ្ងៃអង្គារ ទី៣១ ខែកក្កដា ឆ្នាំ២០១៨ ។
ជនជាតិចិន បើករថយន្តបង្កម៉ាក ឡិចស៊ីស LX330 ពណ៌ស ពាក់ស្លាកលេខ ភ្នំពេញ 2AL 6955 ដោយគ្មានការប្រុងប្រយ័ត្ន ក៏ទៅបុកជនរងគ្រោះពីរនាក់ប្តីប្រពន្ធកំពុងជិះម៉ូតូ បណ្តាលឲ្យប៉ើងទៅលើ ហើយបុរសជាប្តី បានធ្លាក់ចុះមកដីវិញបណ្តាលឲ្យដាច់ខ្យល់ស្លាប់តែម្តង ។ ជនរងគ្រោះឈ្មោះ អ៊ឹង សុធី អាយុ៥៦ឆ្នាំ ជាគ្រូបង្រៀន ចំណែកប្រពន្ធរងរបួសធ្ងន់ ត្រូវបញ្ជូនទៅសង្គ្រោះបន្ទាន់ នៅមន្ទីរពេទ្យ ៕ ដោយ ៖ បញ្ញាស័ក្តិ