មួយរយៈតារាសម្ដែងដ៏ស្រស់ស្អាត សាច់សខ្ចី ម៉ារី ហាក់ដូចជាឃ្លាតឆ្ងាយពីសិល្បៈបន្តិច ដោយសារតែរវល់ជាមួយជំនួញផ្ទាល់ខ្លួន ដែលមានអ្នកគាំទ្រជាច្រើនដឹងថា កញ្ញាមានផលិតផលសម្អាងយីហោផ្ទាល់ខ្លួនមួយ ។
ងាកមកមើលការបង្ហោះរូបថតជាច្រើនសន្លឹកនៅលើគណនីហ្វេសប៊ុករបស់តារាស្រីលេចធ្លោនៅក្នុងកម្មវិធីប្រហុកTV ខាងលើនេះវិញ បានធ្វើឱ្យមហាជនជាច្រើនដាក់ការសង្ស័យទៅលើបុរសកូនអ្នកមានម្នាក់ ដែលយល់ថាជាមិត្តប្រុសរបស់កញ្ញា ដោយក្នុងនោះគេក៏ឃើញមានសកម្មភាពផ្អែមល្ហែមដាក់គ្នាផងដែរ ។
យ៉ាងណាមិញ នេះគ្រាន់តែជាការដាក់សង្ស័យរបស់មហាជនតែប៉ុណ្ណោះ ហើយចំពោះការពិតយ៉ាងណានោះ កញ្ញា ម៉ារី ពុំទាន់បញ្ជាក់ឱ្យដឹងច្បាស់នៅឡើយ ។
សូមបញ្ជាក់ថា នាពេលកន្លងមកនេះ កញ្ញា ម៉ារី ពុំទាន់មានព័ត៌មានលេចឮអំពីទំនាក់ទំនងស្នេហាជាមួយបុរសណាម្នាក់ឡើយ ប៉ុន្តែជារឿយៗគេតែងតែឃើញកញ្ញាដើរលេងទៅក្រៅប្រទេស ដូចនេះក៏មានមហាជនខ្លះទៀតយល់ថា ម៉ារី ប្រហែលមានទំនាក់ទំនងស្នេហាជាមួយបុរសសង្ហាខាងលើយូរណាស់មកហើយ ៕ សាវុធ
