របាយការណ៍មួយដោយ NST បានបញ្ចេញថា ស្ត្រីក្នុងតំបន់ជាច្រើននៅ Kelandan ពិតជាបាននិងកំពុងធ្វើជាការងារជាស្រីពេស្យាចារក្រៅម៉ោង ដើម្បីរកប្រាក់ច្រើនបន្ថែម ។
ស្ត្រីទាំងនោះត្រូវបានរកឃើញ ដែលភាគច្រើនជាអ្នកមកពីផ្នែកមានប្រាក់ចំណូលទាប ហើយពួកគេមានគោលដៅសំខាន់ទៅលើពលករបរទេសពីបង់ក្លាដេស និងមីយ៉ាន់ម៉ា ដែលជាអតិថិជនរបស់ពួកគេ ។
ប្រធានរដ្ឋអាជ្ញា Kelantan Syarie លោក Zhini Sulaiman និយាយថា រឿងនេះហាក់ដូចជានិន្នាការចុងក្រោយ ខណៈដែលស្រីពេស្យាក្នុងស្រុក កំពុងស្វែងរកអតិថិជន ក្នុងចំណោមពលករបរទេសនៅទីនេះ ។ ហេតុផលមួយក្នុងចំណោមហេតុផលដែលលោក Zaini បានចោទប្រកាន់ថា ស្ត្រីទាំងនេះបានជ្រើសរើសយកគោលដៅលើពលករបរទេស គឺដោយសារតែពួកគេត្រូវបានទាក់ទាញទៅបានដោយ «រូបដ៏ស្រស់សង្ហារបស់តូសម្តែងប្រុស Bollywood » របស់ពលករទាំងនោះ ។ គាត់ក៏បានពន្យល់ថា មួយចំនួននៃស្រីពេស្យាក្រៅម៉ោងទាំងនេះដែលត្រូវបានចាប់បានកំពុងប្រព្រឹត្តទង្វើមិនសមរម្យនេះ គឺជាអ្នកបានរៀបការរួចហើយផងដែរ ។
គាត់បានពន្យល់បន្តថា៖ «ផ្អែកតាមកំណត់ត្រារបស់យើង ករណី «ឯកវាសភាព» ជាច្រើនដែលពាក់ព័ន្ធស្ត្រីក្នុងស្រុកទាំងនេះ ក្នុងរួមមានអ្នកដែលបានរៀបការជាមួយបុរសក្នុងស្រុក និងជនបរទេស ។ ពួកគេត្រូវបានចាប់បានក្នុងប្រតិបត្តិការរបស់អាជ្ញាធរសាសនា ខណៈកំពុងចាប់ផ្តើមឡើងឋានសួគ៌ នៅក្នុងសណ្ឋាគារ ។ ពួកគេជាធម្មតា បានទៅកាន់សណ្ឋាគារនៅក្នុងតំបន់ដាច់ស្រយាល ព្រោះពួកគេជឿថា សកម្មភាពរបស់ពួកគេពុំអាចត្រូវបានរកឃើញឡើយ», លោក Zaini ពន្យល់ ។
ប្រសិនបើស្ត្រីទាំងនេះ ត្រូវបានកាត់ទោសពីបទធ្វើពេស្យាចារដោយខ្លួនពួកគេផ្ទាល់ នោះពួកគេអាចត្រូវបានផាកពិន័យប្រាក់ RM4,000 (៩៨៤ ដុល្លារ) ឬ អាចជាប់ពន្ធនាគារក្នុងរយៈពេលយ៉ាងតិច ២ ឆ្នាំ ឬ សរុបទាំងពីរតែម្តង ៕ ឧត្តម (worldofbuzz)