នៅថ្ងៃទី១ខែសីហា បទបញ្ជាហាមឃាត់ការគ្របកន្សែងបិទមុខរបស់អ៊ិស្លាមសាសនានៅដាណឺម៉ាកមានប្រសិទ្ធភាពជាផ្លូវការ តាមនោះពុំមានអ្នកណាអាចយកកន្សែងបាំងមុខជិតនៅទីសាធារណៈទៀតឡើយ ពុំនោះសោតនឹងរងការពិន័យ។
បទបញ្ជាហាមឃាត់ខាងលើត្រូវបានសភាដាណឺម៉ាកអនុម័តកាលពីថ្ងៃទី៣១ ខែឧសភាកន្លងមក។ រដ្ឋាភិបាលប្រទេសនេះឱ្យដឹងថា ពួកគេពុំសំដៅលើសាសនាណាមួយនោះទេ ហើយក៏ពុំមានហាមការយកកន្សែងគ្របលើសក់ឬការពាក់មួកតូចៗប្រពៃណីរបស់ជនជាតិជ្វីហ្វ។
យ៉ាងណាក្ដី ពលរដ្ឋអាចបិទបាំងមុខនៅពេល«មានគោលបំណងច្បាស់លាស់»ជាអាទិ៍អាកាសធាតុត្រជាក់ខ្លាំង ឬតាមតម្រូវការច្បាប់ផ្សេងៗទៀតនៅពេលបញ្ជាយានជំនិះ។
កម្រិតផាកពិន័យចាប់ពី1.000 Kroner(ស្មើ១៥០ដុល្លារ)ទៅ 10.000 Kroner (1.504 USD).។
មុននោះពីឆ្នាំ២០១១ បារាំងគឺជាប្រទេសដំបូងដែលហាមឃាត់កន្សែងបាំងមុខនៅទីសាធារណៈ ៕
សូយន
