និស្សិតច្បាប់មកពីសកលវិទ្យាល័យ Thammasat បានចែករំលែករឿងរ៉ាវនៃការរំលោភបំពានផ្លូវភេទរបស់នាង នៅលើអិនធឺណែតកាលពីចុងសប្តាហ៍ ដោយសង្ឃឹមថានឹងលើកទឹកចិត្តដល់ជនរងគ្រោះផ្សេងទៀត ឱ្យចេញមុខនិងរាយការណ៍ពីការរំលោភបំពាននេះ ។
នាងបានសរសេរនៅលើបណ្តាញហ្វេសប៊ុករបស់នាង ដោយនាងសង្ឃឹមថាជនរងគ្រោះនឹងមិនស្ងប់ស្ងាត់អំពីឧក្រិដ្ឋកម្មទាំងនេះទេ ។
Thararat Panya បានចែករំលែករឿងរ៉ាវអំពីរបៀបដែលសិស្សចាស់ម្នាក់នៅក្នុងកម្មវិធីច្បាប់របស់នាងបានរំលោភបំពានផ្លូវភេទនាង ។ ការបង្ហោះរបស់នាងរួមមានរឿងរ៉ាវលំអិតអំពីអ្វីដែលនាងបាននិយាយ និងរបាយការណ៍សាកលវិទ្យាល័យ១ចម្លងច្បាប់មួយ ដែលបង្ហាញថាសិស្សផ្សេងទៀត ត្រូវបានដាក់ទណ្ឌកម្មដោយការព្យួររយៈពេលមួយឆមាស និងដាក់ទណ្ឌកម្មសេវាសហគមន៍សម្រាប់ “អាកប្បកិរិយាមិនសមរម្យ” ។ នេះបើសេចក្តីរាយការណ៍របស់ The Nation ។
Thararat បានចែករំលែកថា នាងបានស្រវឹងនៅពេលយប់នៃព្រឹត្តិការណ៍នោះ ហើយនៅជាមួយនិស្សិតស្រវឹងជាច្រើនផ្សេងទៀត ក៏ដូចជាអ្នកវាយប្រហារដែលនាងបានចោទប្រកាន់ ដែលជាមនុស្សម្នាក់ដែលនាងជឿទុកចិត្តនៅក្នុងបន្ទប់ស្នាក់អាស្រ័យ ។
នាងបានចែករំលែកថា៖ «ជាសំណាងល្អ ដែលខ្ញុំមានឱកាសទាត់គាត់ ហើយរុញគាត់ចេញ ។ ខ្ញុំបានចេញពីគ្រែហើយស្រែកយំ ។ ខ្ញុំមិនដឹងថានឹងត្រូវធ្វើអ្វីនោះទេ ។ អ្វីគ្រប់យ៉ាងបានកើតឡើងនៅពេលដែលមិត្តភក្តិរបស់ខ្ញុំកំពុងគេង» ។ នាងបន្តថា ក្រោយមក នៅពេលដែលនាងប្រឈមមុខជាមួយ អ្នកប៉ុនប៉ងរំលោភនាងបាននិយាយថា គាត់មិនចង់ធ្វើបាបនាងទេ ហើយបានស្តីបន្ទោសសកម្មភាពរបស់គាត់ ចំពោះការស្រវឹងរបស់គាត់ ។
Thararat សរសេរថា៖ «មិនមែនយកសភាពស្រវឹងមកធ្វើជាលេសនោះទេ ។ ការស្រវឹងមិនមែនផ្តល់សិទ្ធិសម្រាប់អ្នកចេះតែធ្វើបាបអ្នកដទៃក្នុងផ្លូវនេះនោះឡើយ» ។
នាងនៅបានរៀបរាប់បន្តថា៖ «ខ្ញុំជឿជាក់ថាខ្ញុំមិនមែនជាជនរងគ្រោះដំបូង នៃការរំលោភបំពានផ្លូវភេទដោយសិស្សដទៃទៀតនោះទេ ។ គួរឱ្យស្ដាយណាស់ ជនរងគ្រោះជាច្រើនបានជ្រើសរើសមិននិយាយ និងចាត់វិធានការចំពោះករណីនេះ ។ ពួកគេអនុញ្ញាតឱ្យរឿងទាំងនោះបាត់ទៅវិញ ពីព្រោះពួកគេខ្មាស់អៀន ហើយពួកគេមិនចង់រំលឹកពីអ្វីដែលបានកើតឡើងនោះទេ» ។
ទោះយ៉ាងណា មនុស្សមួយចំនួនបានខមិនស្តីបន្ទោសជនរងគ្រោះ ដោយនិយាយថា Thararat បានធ្វើឲ្យខ្លួនឯងគ្មានតម្លៃតាមរយៈការផឹកស្រវឹងនេះ ហើយនៅតែម្នាក់ឯងជាមួយបុរសនោះ ។ ចំណែកអ្នកដទៃទៀតបានស្តីបន្ទោសជនប៉ុនប៉ងរំលោភ ដែលបានផឹកស្រាស្រវឹងរហូតគ្រប់គ្រងសកម្មភាពរបស់ខ្លួនឯងលែងបាន ៕ ចន្ទី (coconuts)
