ចេក បានក្លាយជាផ្លែឈើមួយថ្មី ដែលត្រូវរដ្ឋាភិបាលចិនហាមឃាត់ មិនឲ្យហូបវា ពេលកំពុងតែឡាយវីដេអូ អនឡាញនោះទេ ដែលនេះគឺជាវិធានការ ដើម្បីទប់ស្កាត់មាតិការ មិនសមរម្យនៅលើបណ្តាញអ៊ីនធឺណេត។
ក្រុមហ៊ុនផ្តល់សេវាកម្មអនឡាយចិន បានធ្វើការហាមប្រាមមិនឲ្យអ្នកប្រើប្រាស់ ធ្វើការថតវីដេអូរបស់ខ្លួន កំពុងហូបចេក លិឍចុះឡើង ពេលកំពុងឡាយឡើយ។
ការចេញវិធានការរបស់រដ្ឋាភិបាលបែបនេះ មានន័យថា ក្រុមហ៊ុនដែលផ្តល់សេវកម្មឡាយទាំងអស់តម្រូវឲ្យធ្វើការត្រួតពិនិត្យលើអ្នកប្រើប្រាស់ទាំងអស់ ក្នុងរយៈពេល ២៤ម៉ោង និង ៧ថ្ងៃក្នុងរយៈពេលមួយសប្តាហ៍។
ការដាក់បំរាមរបស់រដ្ឋាភិបាលចិនបានកើតឡើង ក្រោយពេលក្រសួងវប្បធម៌ចិន បានធ្វើការប្រកាសកាលពីពេលថ្មីៗនេះពីការស៊ើបអង្កេតលើគេហទំព័រមួយចំនួន ដែលរងការចោទប្រកាន់ថា បានផ្តល់មាតិកាអាសអាភាស និងធ្វើឲ្យអ្នកទស្សនាល្មើសច្បាប់ និង ប៉ះពាល់ដល់សិលធម៌សង្គម៕ សុភ័ក្ត្រ
ប្រភព៖ Japan Times
