… ចោមរោមទៅដោយព័ត៌មានគេចពន្ធ មានកូនលួចលាក់ រឿងអាស្រូវ ផ្លូវភេទ… តើ Fan bing bing នៅសក្តិសមជារាជនីនៃពិភពកម្សាន្តចិនទៀតដែរឬទេ ?
ពីរឿងត្រចៀកកាំដ៏ល្បីល្បាញ នាងបានសម្តែងក្នុងភាពយន្តល្បីៗប្រមាណ ៩០រឿង ទៀតឯណោះ ។ ហេតុនេះទស្សនិកជននិយមរឿងភាគចិនអ្នកណាៗក៏ស្គាល់នាងដែរ ។
ថ្មីៗនេះ Fan bing bing បានទាក់ទងនឹងករណីស៊ើបអង្កេតការគេចពន្ធ ជាហេតុធ្វើឲ្យនាងរងរឿងរ៉ាវពុំធម្មតាទេ ។ មានព័ត៌មានថា នាងត្រូវបានវាយឃ្នោះនៅថ្ងៃទី ២៩ ខែកក្កដា ហើយ ២ថ្ងៃក្រោយ ទើបត្រូវបានដោះលែង ។
ទោះបីជារួចពីពន្ធនាគារក្តី ក៏ស្រីស្រស់រូបនេះត្រូវបានហាមឃាត់មិនឲ្យចេញទៅបរទេស និងក្រុងប៉េកាំងតែងម្តងៗ គេពុំបានឃើញមុខនាង ១សប្តាហ៍មកហើយ ។
Fan bing bing ជាសេដ្ឋីនីលំដាប់ដំបូងនៃពិភពកម្សាន្តចិន ហើយមានទ្រព្យសម្បត្តិសរុបប្រមាណ ៣ពាន់លានយាន់ (ប្រមាណ ៤៤០លានដុល្លារ) ។
បទពិសោធន៍ ២២ឆ្នាំ ក្នុងពិភពកម្សាន្តធ្វើឲ្យតារាសម្តែងកើតឆ្នាំ ១៩៨១ នេះ មានវត្តមានក្នុងខ្សែភាពយន្តប្រមាណ ៩០រឿង ។ ដើម្បីចង់បាន Fan bing bing មកកាន់ event របស់ខ្លួន ទាមទារឲ្យផលិតករនីមួយៗត្រូវចំណាយលុយ ២,៨ លានយាន់ (ជិតសែសិបម៉ឺនដុល្លារ) ឯណោះ ។
ដោយឡែកក្នុងរយៈពេល ៥ឆ្នាំកន្លងមកទ្រព្យសម្បត្តិរបស់នាងកើនឡើងប្រមាណ ១ពាន់លានយាន់ ។ ក្នុងឆ្នាំ ២០១៧ នាងរកបាន ៣០០លានយាន់ឯណោះ ។
ជាភាគហ៊ុនរបស់ក្រុមហ៊ុនភេសជ្ជៈ នាងអាចរកបាន ២៣០លានយាន់ ក្នុងអំឡុងពេលតែ… កន្លះឆ្នាំប៉ុណ្ណោះ ។ នាងក៏នៅបានវិនិយោគនៅក្រុមហ៊ុនបរទេស ដោយទទួលបានចំណេញ ២០០% ។
ចំពោះអចលនទ្រព្យវិញ Fan bing bing មានកីឡាកាលីប ២ មានតម្លៃរាប់លានដុល្លារ និងជាម្ចាស់អចនលទ្រព្យរាយពេញសានតុងសៀងហៃ ហុងកុង ប៉េកាំង ។
ជាសេដ្ឋីម្នាក់ ហេតុនេះពេលទាក់ទិនដល់រឿងអាស្រូវគេចវេសពន្ធនាំឲ្យកិត្តិយសរបស់នាងស្ទើតែ…រលាយសូន្យ ។
នៅថ្ងៃទី ១ ខែសីហា អ្នកគ្រប់គ្រងរបស់នាងបានត្រូវចាប់ខ្លួនភ្លាមៗ ព្រោះហ៊ានកម្ទេចឯកសារគេចពន្ធចោល ជាហេតុធ្វើឲ្យស្ថានភាពរបស់នាងកំពុងលំបាក កាន់តែ…យ៉ាប់មែនទែន ។
ហេតុការណ៍នេះផ្ទុះឡើងអំឡុងខែឧសភា ឆ្នាំ ២០១៨ គ្រាដែល MC ម្នាក់បានចោទប្រកាន់ពីល្បែង “កិច្ចសន្យាបូក ដក” ដើម្បីគេចពន្ធរបស់នាង ។ ផ្តើមពីនោះអធិការពន្ធចាប់ផ្តើមបើកការស៊ើបអង្កេត ។
មុនពេលនោះ នាងស្ទើរពុំមានលេចឮរឿងអាស្រូវអ្វីទេ ។
ខាងក្រោមជា “អតីតកាល” ទាំងល្អ និងមិនល្អ របស់ Fan bing bing តាមរយៈរូបភាព ៖
ចន្ទ្រា