ប្រភពពីស៊ីនហួរ ឱ្យដឹងថា នាយករដ្ឋមន្ដ្រីសិង្ហបុរី LY TSIEN LONG នៅថ្ងៃទី២ខែសីហា បានសង្កត់ធ្ងន់ថា បណ្ដាប្រទេសជាសមាជិកអាស៊ានត្រូវបន្ដបង្កើនការស្ថាបនាតំបន់មួយដែលបើក ពេញលេញ ហើយយកASEANធ្វើជាស្នូល។ លោកសង្កត់ធ្ងន់ថា ស្ថាបត្យកម្មខាងលើនឹងរួមចំណែកធានាដល់សន្ដិភាពនិងស្ថិរភាពក្នុងតំបន់។
នាយករដ្ឋមន្ដ្រីសិង្ហបុរី LY TSIEN LONG ថ្លែងក្នុងពិធីបើកសន្និសីទថ្នាក់រដ្ឋមន្ដ្រីការបរទេសអាស៊ានលើកទី៥១ នៅសិង្ហបុរីនាថ្ងៃទី២ខែសីហា
នាយករដ្ឋមន្ដ្រីសិង្ហបុរីក៏បានធ្វើការកត់សម្គាល់ថា ភាពតានតឹងពាណិជ្ជកម្មរវាងអាមេរិកនិងបណ្ដាដៃគូចរចាផ្សេងទៀតរបស់ASEAN បានវិវឌ្ឍន៍កាន់តែខ្លាំង ប្រព័ន្ធពាណិជ្ជកម្មពហុភាគីផ្អែកលើច្បាប់ទម្លាប់ដែលធ្លាប់បានពង្រឹងដល់កំណើននិងភាពរុងរឿងរបស់អាស៊ានកំពុងត្រូវរងទទួលនូវសម្ពាធ។
មេដឹកនាំសិង្ហបុរីអះអាងបន្ថែមថា ប្រការសំខាន់គឺអាស៊ានចាំបាច់បន្ដគាំទ្រដល់ប្រព័ន្ធពហុភាគីនិងសហប្រតិបត្រិការជាមួយបណ្ដាដៃគូដែលមានឆន្ទៈដូចគ្នាដើម្បីបង្កើនបណ្ដាញសហប្រតិបត្ដិការរបស់អង្គការនេះ៕
សូយន
