ប្រភពពី Yonhap ឱ្យដឹងថា ប្រមុខការទូតចិន វ៉ាងយី នៅថ្ងៃទី២ ខែសីហាបានសម្ដែងការគាំទ្រចំពោះសេចក្ដីថ្លែងការណ៍ផ្លូវការបញ្ចប់សង្គ្រាមកូរ៉េ ហើយចាត់ទុកថាសេចក្ដីថ្លែងការណ៍នេះសមស្របជាមួយនិន្នាការយុគសម័យ។
ប្រមុខការទូតចិនវ៉ាងយី
លោកវ៉ាងយី អះអាងថា បំណងប្រាថ្នារបស់កូរ៉េទាំងពីរចំពោះសេចក្ដីថ្លែងការណ៍បញ្ចប់សង្គ្រាម«គឺសក្ដិសមបំផុត»។ លោកវ៉ាង លើកឡើងថា៖ សេចក្ដីថ្លែងការណ៍បញ្ចប់សង្គ្រាម គឺសមស្របជាមួយនិន្នាការយុគសម័យ និងឆ្លុះបញ្ចាំងបំណងប្រាថ្នារបស់ ពលរដ្ឋនៅគ្រប់ប្រទេសទាំងអស់ ក្នុងនោះមានកូរ៉េទាំងពីរផងដែរ។
ប្រមុខការទូតរូបនេះវាយតម្លៃថា បញ្ហាដែលកូរ៉េទាំងពីរ ឬបណ្ដាភាគីដទៃទៀតស្ដែង បង្ហាញពីសុច្ឆន្ទៈបញ្ចប់សង្គ្រាមដោយសេចក្ដីថ្លែងការណ៍រួមមួយវាគឺជារឿងស្អាតនិងសកម្ម។
ប៉ុន្ដែលោកពុំបាននិយាយច្បាស់ថាតើចាំបាច់ត្រូវមានលក្ខខណ្ឌអ្វីខ្លះសម្រាប់ការដាក់ចេញសេចក្ដីថ្លែងការណ៍ខាងលើ ក៏ដូចជាថាតើប្រទេសចិនមានចូលរួមដំណើរការនេះដែរឬទេ៕
សូយន
