ភ្នំពេញ ៖ លោកហេង រតនា អគ្គនាយកស៊ីម៉ាក់ បានថ្លែថា ការបោះឆ្នោតជ្រើសរើសប្រធានាធិបតីនិងសភានិងព្រឹទ្ធសភា នៃប្រទេសហ្សីមប៉ាវេ នៅថ្ងៃទី៣០ ខែកក្កដា ឆ្នាំ២០១៨ ពោលគឺបោះឆ្នោតក្រោយកម្ពុជា១ថ្ងៃ ឥឡូវនេះធ្លាក់ចូលបាតុកម្មនិងចលាចលសង្គមហើយ។ ដូចគ្នានៅកម្ពុជា២០១៣ដែរ ខាងបក្សប្រឆាំងអត់ព្រមចាញ់ ទោះបីបានអសនៈជាង៤០ទល់នឹងជាង១០០អសនៈក៏ដោយ។
បើតាមរយៈផេកហ្វេសប៊ុកផ្លូវការ កាលពីថ្ងៃទី២ខែសីហា លោកអគ្គនាយក បានបញ្ជាក់ថា គណៈកម្មការបោះឆ្នោតមិនទាន់បញ្ចេញលទ្ធផលផ្លូវការនៅឡើយទេ។ ទិដ្ឋភាពបែបនេះទាំងអង្គការសហប្រជាជតិ និងអន្តរជាតិមួយចំនួនសុំឱ្យគ្រប់ភាគីអត់ធ្មត់ៗ។ តែមនុស្សស្លាប់បណ្តើរៗហើយ។
លោកបានថ្លែងថា “យើងខ្ញុំទាំងអស់ មានមោទនភាពចំពោះការបោះឆ្នោត នៅកម្ពុជាឆ្នាំ២០១៨ ប្រកបដោយសន្តិភាព មានរបៀបរៀបរយ និងថ្លៃថ្នូរ”៕ ដោយ ៖ បញ្ញាស័ក្តិ
