ជារឿយៗ នៅពេលយើងដើរតាមដងផ្លូវទីសាធារណៈ យើងប្រហែលជាអាចជួបប្រទះអ្នកដែលទីទាល់ក្រ និងខ្វះខាតខ្លាំង ហើយដើរសុំលុយបន្តិចបន្តួចពីអ្នកដំណើរ។ អ្នកទាំងនោះ ភាគច្រើនអាចជាមនុស្សចាស់ជរា ឬអ្នកដែលមិនមានកំលាំងកាយប្រកបកិច្ចការចិញ្ជឹមជីវិតខ្លួនហើយ ឬអាចជាជនពិការ។
អ្នកទាំងនោះ រស់នៅតាមដងផ្លូវ ហើយចិញ្ជឹមជីវិតពឹងផ្អែកទាំងស្រុងលើការដាក់ទានរបស់អ្នកដំណើរ និយាយរួមគឺពឹងផ្អែកលើភាពសប្បុរសរបស់អ្នកនៅជុំវិញពួកគេ។
ជាការពិតណាស់ មានមនុស្សជាច្រើនមានចិត្តសប្បុរសដែលចេះជួយចែករំលែកដល់អ្នកដទៃ ដូច្នេះជាសិស្សសាលាមួយក្រុមនេះអញ្ជឹង។ ពួកគេបានធ្វើការច្រៀងនៅតាមដងផ្លូវ ដើម្បីបានលុយពីអ្នកដំណើរ ដើម្បីយកជួយស្ត្រីចំណាស់ម្នាក់។
បើតាមវីដេអូដែលធ្វើការបង្ហោះនៅលើបណ្តាញសង្គមដោយគណនេយ្យ Zin Len បានបង្ហាញថា មានសិស្ស ៣នាក់ (ប្រុស ២នាក់ និង ស្រី ១នាក់) ត្រូវបានឃើញអង្គុយនៅក្បែរស្ត្រីចំណាស់ម្នាក់ និងធ្វើការច្រៀងជាមួយនឹងហ្គីតា។
ការច្រៀងនោះគឺជាវិធី ដែលពួកគេអាចធ្វើបានដើម្បីបានលុយទៅជួយស្ត្រីជរាដែលអង្គុយ នៅជិតពួកគេ ៕ សុភ័ក្រ
ចង់ដឹងពួកគេមានសណ្តានចិត្តល្អ និងសប្បុរសយ៉ាងណា សូមទស្សនាវីដេអូ ខាងក្រោមទាំងអស់គ្នា៖