ខេត្តព្រះសីហនុ៖ បុគ្គលិក Koh Rong Hill Beach Resort បានថ្លែងអំណរគុណ ចំពោះទឹកចិត្តដ៏ល្អ របស់ លោកឧកញ៉ា ទៀ វិចិត្រ ដែលមានចិត្តសប្បុរសធ៌ម ដោយបានបញ្ជូនអូបរ័ និងបុគ្គលិក ក្រុមហ៊ុន ជី.ធី.វី.ស៊ី, ស្ពីដបូត កម្ពុជា (G.T.V.C) ដើម្បីចុះស្វែងរក និងជួយសង្គ្រោះដល់បងប្អូនបុគ្គលិក ក្រុមហ៊ុន Koh Rong Hill Beach Resort ដែលជួបព្យុះភ្លៀងពេលធ្វើដំណើរតាមផ្លូវលំហសមុទ្រ កាលពីថ្ងៃទី២ ខែសីហា ឆ្នាំ២០១៨ បានរួចផុតពីគ្រោះភ័យ ក្នុងនាមមនុស្សមនុស្សធ៌ម។ លោកឧកញ៉ា ទៀ វិចិត្រ មានប្រសាសន៍ថា ក្រោយទទួលដំណឹងថា មានបុគ្គលិកបុគ្គលិក Koh Rong Hill Beach Resort ធ្វើដំណើរតាមទូកជួបព្យុះភ្លៀងក្នុងលំហសមុទ្រ ដែលប្រឈមនឹងគ្រោះថ្នាក់ដល់អាយុជីវិត។ ភ្លាមៗនោះ លោកឧកញ៉ា ក៏បានបញ្ជូនឲ្យក្រុមបុគ្គលិក G.T.V.C ប្រើអូប័រល្បឿនលឿន តាមស្វែងរកតាមគោលដៅនានា ក្នុងផ្លូវសមុទ្រដែលជាផ្លូវទូកធ្វើដំណើរ រហូតឈានដល់រកឃើញ និងជួយសង្គ្រោះជនរងគ្រោះឲ្យរួចផុតជីវិតទាន់ពេល ដោយមិនមានអ្នកណាម្នាក់រងគ្រោះថ្នាក់ដល់អាយុជីវិតនោះទេ។
ជាមួយគ្នានេះ លោកឧកញ៉ា ទៀ វិចិត្រ មានប្រសាសន៍ថា ក្នុងនាមប្រធានសមាគមទូកដឹកជញ្ជូនទេសចរណ៍ផ្លូវទឹកនៅខេត្តព្រះសីហនុ លោកបានក្រើនរំលឹកជាថ្មីម្តងទៀត ដល់អ្នកធ្វើដំណើរតាមផ្លូវសមុទ្រ ត្រូវបង្កើនការប្រុងប្រយ័ត្នខ្ពស់បំផុត ដោយត្រូវឲ្យប្រាកដថា រាល់ពេលធាតុអាកាសមិនល្អ មានភ្លៀងធ្លាក់ច្រើន មានរលកសមុទ្រធំៗ និងមានព្យុះជាដើម មិនត្រូវធ្វើដំណើរតាមសមុទ្រនោះទេ៕ ដែន សីមា
