ខេត្តព្រះសីហនុ៖ លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុ មានប្រសាសន៍ថា ក្រុមគ្រូពេទ្យមកពី សហរដ្ឋអាមេរិក ហ្វីលីពីន និង ហុងកុង នឹងមកធ្វើការវះកាត់ជូនប្រជាពលរដ្ឋ ដែលមានជំងឺជាច្រើនប្រភេទ នៅមន្ទីរពេទ្យបង្អែកខេត្តព្រះសីហនុ។
សកម្មភាពមនុស្សធម៌ខាងលើនេះ នឹងចាប់ផ្តើមពីថ្ងៃទី២៦ ដល់ថ្ងៃទី៣១ ខែសីហា ឆ្នាំ២០១៨។
លោកវេជ្ជបណ្ឌិត សេង ណុង ក្រុមគ្រូពេទ្យមកពីបីប្រទេសនោះ នឹងវះកាត់ប្រភេទជំងឺដូចជា៖ ឆែបមាត់ ពកក សាច់បំពង់ក រោគស្ត្រី គីស ដុំសាច់ គ្រួសថង់ប្រមាត់ គ្រួសតំរងនោម ឆ្អឹង វះកាត់កែក្រោយរលាក និងវះកាត់ផ្សេងៗទៀត..។
សេចក្តីជូនដំណឹងខាងលើនេះ លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុ បានអំពាវនាវដល់បងប្អូនប្រជាពលរដ្ឋ ដែលមានបញ្ហាដូចការរៀបរាប់ខាងលើ សូមមេត្តាមកចុះឈ្មោះ ចាប់ពីពេលនេះតទៅ នៅផ្នែកវះកាត់ នៃមន្ទីរពេទ្យបង្អែកខេត្តព្រះសីហនុ៕ ដែន សីមា
