ខេត្តព្រះសីហនុ៖ ប្រធានមន្ទីរពេទ្យបង្អែកខេត្តព្រះសីហនុ និងអ្នកជំងឺ ដែលកំពុងសម្រាកព្យាបាលនៅមន្ទីរពេទ្យបង្អែក ខេត្តព្រះសីហនុ ថ្លែងអំណរគុណដល់ លោកឧកញ៉ា ទៀ វិចិត្រ និង លោកជំទាវ ព្រមទាំងបុត្រ ដែលបានឧបត្ថម្ភគ្រែសម្រាប់អ្នកជម្ងឺ សម្រាកព្យាបាលជម្ងឺចំនួន៥០គ្រែ ដល់មន្ទីពេទ្យបង្អែកខេត្តព្រះសីហនុ ហៅមន្ទីរពេទ្យចំការចេក។
លោកវេជ្ជបណ្ឌិត សេង ណុង ប្រធានមន្ទីរពេទ្យបង្អែកខេត្តព្រះសីហនុ មានប្រសាសន៍ថា បច្ចុប្បន្ននៅមន្ទីពេទ្យនេះមានអ្នកជម្ងឺចូលសំរាកព្យាបាលច្រើន រហូតដល់ខ្វះគ្រែ និង ឧបករណ៍ផ្សេងៗមួយចំនួន សម្រាប់ឲ្យអ្នកជម្ងឺសម្រាកព្យាបាល…។
លោកវេជ្ជបណ្ឌិត សេង ណុង បន្តថា គ្រែពេទ្យ ដែលលោកឧកញ៉ាទៀ វិចិត្រ ឧបត្ថម្ភដល់មន្ទីរពេទ្យនេះ ជាប្រភេទគ្រែពូកបត់ ចល័ត ហើយគ្រែនីមួយៗ មានតម្លៃ ១០០ដុល្លារសហរដ្ឋអាមេរិក សរុប៥០គ្រែ ដែលលោកឧកញ៉ា ទៀ វិចិត្រ ជួយពេលនេះមានទឹកប្រាក់ចំនួន ៥០០០ដុល្លារ៕ ដែន សីមា
