ភាពតានតឹងរវាងក្រុងមូស្គូនិង NATO បែរជាក្ដៅគគុកឡើងភ្លាម ក្រោយយពេលដែលរដ្ឋមន្ដ្រីការពារជាតិរ៉ូម៉ានី Mihai Fifor បានជ្រុលមាត់ទម្លាយថា មូលដ្ឋានយោធាអាមេរិកមួយស្ថិតនៅកៀកឆ្អឹងជំនីររុស្ស៊ី មានស្ដុកទុកបណ្ដាកាំជ្រួចអន្តរទ្វីប។
លោកPavel Alekseenko លេខាស្ថានទូតរុស្ស៊ីនៅរ៉ូម៉ានី បានសម្ដែងនូវការខឹងសម្បាយ៉ាងខ្លាំងតាមរយៈប្រព័ន្ធផ្សព្វផ្សាយសង្គម ក្រោយពេលដែលោក Mihai Fifor បានទម្លាយប្រាប់ស្ថានីយទូរទស្សន៍Antena 3ថា មូលដ្ឋានយោធាគាំទ្រជើងទឹកអាមេរិកនៅDeveselu (Romania) មានស្ដុកទុកបណ្ដាកាំជ្រួចអន្ដរទ្វីប។
លេខាស្ថានទូតរូបនេះសង្កត់ធ្ងន់ថា ការប្រកាសរបស់លោកMihai Fifor គឺជាភស្ដុតាងបង្ហាញថា មូលដ្ឋានអាមេរិកនៅDeveselu គឺជាការគំរាមកំហែងយ៉ាងពិតប្រាកដមួយចំពោះសន្ដិសុខជាតិអាមេរិក។ សូមអរគុណចំពោះការពិតបានមកដោយឯងៗបែបនេះ។
គូររម្លឹកថា មុននោះលោកFifor បានប្រកាសប្រាប់លើស្ថានីយទូរទស្សន៍ Antena 3ថាពិតណាស់ប្រធានាធិបតីPutin នឹងមិនសប្បាយចិត្ដចំពោះសមត្ថភាពយោធាកំពុងត្រូវបានកែសម្រួលនៅរ៉ូម៉ានី។តើឱ្យលោកPutin សប្បាយម្ដេចបានក្នុងពេលដែលរ៉ូម៉ានីមានមូលដ្ឋានយោធានៅ Deveselu ហើយក្នុងនោះមានកាំជ្រួចអន្តរទ្វីប។តើធ្វើបែបណាឱ្យលោកPutinសប្បាយបាន គ្រាដែលយើងមានមូលដ្ឋាននៅMihail Kogalniceanu ដែលមានពលទាហានអាមេរិកជាច្រើនកំពុងឈរជើង ហើយយើងបន្ដជំរុញទំនាក់ទំនងដៃគូជាយុទ្ធសាស្ដ្រជាមួយអាមេរិក សំដៅធានាវត្តមានអចិន្ដ្រៃយ៍របស់កងទ័ពអាមេរិកលើបូរណភាពដែនដីរបស់រ៉ូម៉ានី។
បន្ទាប់ពីរងប្រតិកម្មខ្លាំងក្លាពីភាគីរុស្ស៊ី លោកFifor បានបកស្រាយភ្លាមៗថា មន្ដ្រីរុស្ស៊ីបានយល់ច្រឡំសម្ដីរបស់លោក។ លោកនិយាយថា នៅមូលដ្ឋានDeveselu មានតែប្រព័ន្ធការពារកាំជ្រួចមួយប៉ុណ្ណោះ ហើយពុំមានកាំជ្រួចអន្ដរទ្វីបទេ៕
សូយន
