នៅថ្ងៃទី៣សីហានេះ អាមេរិកបានដាក់ចេញនូវវិធានការថ្មីមួយចំនួនទាក់ទិនដល់កូរ៉េខាងជើង ក្នុងនោះសំដៅទៅលើពលរដ្ឋរុស្ស៊ីម្នាក់និងស្ថាប័ន៣ ក្នុងនោះមានធនាគារមួយដែលបើកស្នាក់ការនៅក្រុងមូស្គូនិងក្រុមហ៊ុនពាណិជ្ជកម្មមួយរបស់ចិន។
ក្រសួងហិរញ្ញវត្ថុអាមេរិកចាត់ទុកថា ធនាពាណិជ្ជកម្មAgrosoyuz របស់រុស្ស៊ីនិងសម្ព័ន្ធក្រុមហ៊ុនKorea Ungum មានស្នាក់ការ នៅក្រុងព្យុងយ៉ាងនិងក្រុមហ៊ុនសហពាណិជ្ជDandong Zhongsheng.ltd មានស្នាក់ការនៅចិន ដែលសុទ្ធសឹងជាស្ថាប័នមាន ទាក់ទិនដល់ធនាគារពាណិជ្ជកម្មក្រៅប្រទេសរបស់កូរ៉េខាងជើង។
មកទល់ពេលនេះអាមេរិកនៅតែបន្ដដាក់គំនាបចំពោះកូរ៉េខាងជើង ទោះបីជាប្រធានាធិបតីប្រទេសនេះកំពុងអនុវត្តន៍កិច្ច ចរចាជាមួយមេដឹកនាំកូរ៉េខាងជើងសំដៅរំសាយនុយក្លេអ៊ែរនៅឧបទ្វីបកូរ៉េក្ដី។
មុននោះនៅថ្ងៃដដែលនេះ ឯកអគ្គរដ្ឋទូតរុស្ស៊ីប្រចាំកូរ៉េខាងជើង Alexander Matsegora អះអាងថា ក្រុងមូស្គូមិនបានបំពានលើវិធានការដាក់ទណ្ឌកម្មរបស់UN ចំពោះក្រុងព្យុងយ៉ាងឡើយហើយថាការផ្ដល់លិខិតអនុញ្ញាតថ្មីដល់ពលករកូរ៉េខាងជើងនៅរុស្ស៊ី ព្រោះពូកគេសុទ្ធសឹងជាពលករមកធ្វើការនៅរុស្ស៊ីតាម កិច្ចសន្យាដែលមានមុនការដាក់ទណ្ឌកម្មម្ល៉េះ៕
សូយន