គូស្នេហ៍វ័យក្មេងមួយគូ ដែលត្រូវបានចោទប្រកាន់ថតក្នុងកាយវិការសិចនៅលើម៉ូតូដងផ្លូវសាធារណៈ នៅក្នុងទីក្រុង Phuket ត្រូវប្រឈមមុខនឹងប៉ូលីសហើយ បន្ទាប់ពីបណ្តារូបភាពដ៏អាសអាភាសរបស់ពួកគេ បានរីករាលដាលនៅលើបណ្តាញសង្គម កាលពីថ្ងៃព្រហស្បតិ៍ ។
ទំព័រហ្វេសប៊ុកថៃមួយ បានចែករំលែករូបភាពទាំងនេះ អមជាមួយសារអានថា៖ «មាននៅទីនេះ តោះពួកយើងមក, School Cosplay ។ តើអ្នកទាំងអស់គ្នាយល់ឃើញយ៉ាងណាដែរ?»
រូបភាពទាំងនេះ បានបង្ហាញឲ្យឃើញគូសេ្នហ៍វ័យក្មេង១គូនោះ ស្ថិតក្នុងសម្លៀកបំពាក់ឯកសណ្ឋានសិស្សសាលា បញ្ចេញកាយវិការសិចនៅលើម៉ូតូយ៉ាងស្រើបស្រាល នៅលើដងផ្លូវសំខាន់មួយ នៅក្នុងទីក្រុងចំណាស់នេះ ។
លោក Sermpan Sirikong មេបញ្ជាការរងខេត្តភូកេត បាននិយាយថា៖ «យើងខ្ញុំទទួលស្គាល់ថា រូបភាពទាំងនេះត្រូវបានចែករំលែកនៅក្នុងគ្រុបបណ្តាញសង្គម Phuket ។ មនុស្សជាច្រើននិយាយថា នេះជាឥរិយាបថដ៏ពុំសមរម្យមួយ និងសមត្ថកិច្ចត្រូវតែចាត់វិធានការទៅលើពួកគេឲ្យខាងតែបាន» ។
លោក Sermpan បានបន្តថា៖ «មេប៉ូលីសលោក Sompong Tiparpakun បាននិងកំពុងតាមដានករណីនេះ ដើម្បីកោះហៅគូស្នេហ៍នេះ មកសួរនាំ ។ យើងខ្ញុំបានថាដឹងពួកគេជានរណា ហើយប៉ូលីសកំពុងទាក់ទងទៅពួកគេមកប៉ុស្តិ៍ផងដែរ» ៕ ឧត្តម (The Nation, khaosod)